1000х90.jpg (78 KB)

Երևանում՝ 11:07,   29 Մարտ 2024

Հրատարակվել է Ստեփան Թոփչյանի «Երվանդ Քոչար» մենագրությունը  

Հրատարակվել է Ստեփան Թոփչյանի «Երվանդ Քոչար» մենագրությունը

 

ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Լույս է տեսել գրականագետ, հրապարակախոս, արվեստաբան Ստեփան Թոփչյանի վերջին՝ «Երվանդ Քոչար» մենագրությունը:

«Արմենպրես»-ի հաղորդմամբ՝ այս մասին հայտնում են Երվանդ Քոչարի թանգարանից:

Մենագրության մեջ հանգամանորեն վերլուծված է Երվանդ Քոչարի (1899-1979) ստեղծագործությունը XX դարի արևմտաեվրոպական կերպարվեստի համատեքստում։ Քննարկվում է Քոչարի նշանակալի դերը նոր երևույթների կերպավորման և համաշխարհային արվեստի հետ նրա առնչությունների տեսանկյունից։ Զուգահեռաբար մեկնաբանվում են նրա գեղագիտական հայացքները և մտորումները տեսական ու փիլիսոփայական խնդիրների շուրջ: Կան նաև դրվագներ Քոչարի կյանքից։

«Շնորհավորում ենք և շնորհակալ ենք հրատարակիչներին Ստեփան Թոփչյանի՝ մաեստրո Քոչարի բազմիմաստ ստեղծագործությունների խորիմաստ ու խորքային վերլուծությունները վայելելու բացառիկ հնարավորության համար»,- ասվում է թանգարանի տարածած հաղորդագրության մեջ:

Գիրքը, որն արդեն հասանելի է ինչպես թանգարանում, այնպես էլ գրախանութներում, լույս է ընծայել «Զանգակ» հրատարակչությունը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]