Թրամփը չի բացառել ԱՄՆ նախագահի պաշտոնում իր թեկնածությունն առաջադրելու հնարավորությունը
20:24, 31 Մարտ 2021
ԵՐԵՎԱՆ, 31 ՄԱՐՏԻ, ԱՐՄԵՆՊՐԵՍ: Միացյալ Նահանգների 45-րդ նախագահ Դոնալդ Թրամփը չի բացառել, որ 2024 թվականին կարող է կրկին առաջադրվել որպես ԱՄՆ նախագահի թեկնածու: Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, այս մասին նա հայտնել է որդու՝ Էրիկ Թրամփի կնոջ՝ Լարա Թրամփին տված հարցազրույցում:
Հարցին, թե արդյոք հույս կա, որ նա կրկին կառաջադրվի 2024-ին որպես նախագահի թեկնածու՝ Թրամփն ասել է. «Դուք կարող եք հույս ունենալ: Ես դա կարող եմ ասել»: «Մենք սիրում ենք մեր երկիրը, մենք պետք է օգնեն մեր երկրին»,- հավելել է նա:
Թրամփի գնահատմամբ, իր վարչակազմին հաջողվել է հաջողություններ գրանցել մասնավորապես Իրանի, Հյուսիսային Կորեայի և Չինաստանի հետ հարաբերություններում:
Բաժանորդագրվեք մեր ալիքին Telegram-ում