Երևանում՝ 11:07,   28 Փետրվար 2024

Մարուքյանն ընտրությանը նախկին իշխանության մասնակցելն անուղղակի աջակցություն է համարում Փաշինյանին

Մարուքյանն ընտրությանը նախկին իշխանության մասնակցելն անուղղակի 
աջակցություն է համարում Փաշինյանին

ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանի կարծիքով, եթե խորհրդարանի արտահերթ ընտրություններին մասնակցեն նախկին իշխանության ներկայացուցիչները, դա անուղղակի աջակցություն կլինի ՀՀ վարչապետի պաշտոնակատար Նիկոլ Փաշինյանին:

«Արմենպրես»-ի փոխանցմամբ՝ այս մասին Մարուքյանն ասաց խորհրդարանական ճեպազրույցների ընթացքում:

«Ես ասել եմ, որ, եթե նախկին իշխանություններն օրակարգ ունեն երկրում իշխանափոխության, ուրեմն պետք է դուրս գան գործընթացից: Որովհետև հեղափոխությունը նոր է եղել ու, եթե ժողովուրդը տեսնի իրենց ակտիվ մասնակցությունը, այդ իմաստով աջակցելու են Նիկոլ Փաշինյանին: Դա նաև կարող եք տեսնել հարցումների արդյունքներով»,- ասաց Մարուքյանը:

Հունիսի 20-ին նախատեսվում են արտահերթ խորհրդարանական ընտրություններ, որոնց մասնակցելու մասին հայտարարել են ՀՀ երկրորդ նախագահ Ռոբերտ Քոչարյանը՝ «Հայաստան» դաշինքով՝ ՀՅԴ և «Վերածնվող Հայաստան» կուսակցությունների հետ, ինչպես նաև Հայաստանի Հանրապետական կուսակցությունը՝ «Հայրենիք» կուսակցության հետ համատեղ դաշինքով:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]