Ժամանակը Երևանում՝ 11:07:36,   29 Հունիս 2022

Մայր Աթոռի Արցախի հարցերի գրասենյակը նախանձախնդրորեն իրականացնում է իր աշխատանքը. Գարեգին Բ կաթողիկոս

Մայր Աթոռի Արցախի հարցերի գրասենյակը նախանձախնդրորեն իրականացնում է իր աշխատանքը. Գարեգին Բ կաթողիկոս

ՍՏԵՓԱՆԱԿԵՐՏ, 6 ՀՈՒՆԻՍԻ, ԱՐՄԵՆՊՐԵՍ/ԱՐՑԱԽՊՐԵՍ:  Հայրենիքի պաշտպանությունը սուրբ ու նվիրական գործ է։ Եվ, դժբախտաբար, երբեմն հարկադրված ենք սրով իրագործել այդ պաշտպանությունը, որպեսզի որևէ կերպ չխաթարվի մեր ժողովրդի ազատությունն ու անկախ կյանքը։

Այս մասին «Արցախպրես»-ի թղթակցի հետ զրույցում ասել է Ն.Ս.Օ.Տ.Տ. Ամենայն հայոց Գարեգին Երկրորդ կաթողիկոսն՝ ընդգծելով, որ, համազգային ջանքերով հաղթահարելով բոլոր փորձությունները, պետք է հավատքով ու հույսով մեր հայացքն ուղղենք դեպի ապագան։

Անդրադառնալով թշնամու օկուպացիայի տակ գտնվող հայկական մշակութային ժառանգության պահպանմանը վերաբերող խնդիրներին՝ Վեհափառ Հայրապետը նշել է, որ Մայր Աթոռ Սուրբ Էջմիածինը 2020թ․-ի աշնանային պատերազմից անմիջապես հետո ստեղծել է գրասենյակ, որը զբաղվում է Արցախի հոգևոր ու մշակութային ժառանգության հարցերով։

«Այդ գրասենյակը նախանձախնդրորեն իրականացնում է իր աշխատանքները, բարձրաձայնում բոլոր խնդիրները՝ առնչված Ադրբեջանի տնօրինության տակ անցած մեր տարածքներում մեր սրբավայրերի պահպանության հետ։ Այս ընթացքում գրասենյակի կողմից պատրաստվել են հրատարակություններ, կազմակերպվել են գիտաժողովներ, դիմումներ են եղել տարբեր միջազգային կրոնական, հասարակական, քաղաքական կառույցների ու կազմակերպությունների»,- ասել է Նորին Սրբությունը և հավաստիացրել, որ Մայր Աթոռն ուշի֊ուշով հետևում է բոլոր այն զարգացումներին, որոնք հայկական մշակութային կոթողների դեմ կատարվում են Ադրբեջանի կողմից՝ այդ երկրի իշխանությունների պաշտոնական թողտվությամբ։

ԱՐՄԵՆՊՐԵՍ գործակալությունը պատասխանատվություն չի կրում այս բաժնում և ժապավենում տեղ գտած մամուլի հաղորդագրությունների բովանդակության համար։ Բաժնի նյութերի բովանդակության համար պատասխանատվությունը կրում է բացառապես մամուլի հաղորդագրության հեղինակը։ ԱՐՄԵՆՊՐԵՍԸ չի կարող համարվել պատասխանատու այս բաժնում հրապարակված հաղորդագրությունների հեղինակների կողմից ներկայացված տեղեկատվության անճշտությունների / սխալների համար։
ԱՐՄԵՆՊՐԵՍՆ իրեն իրավունք է վերապահում չհրապարակել այն հաղորդագրությունները, որոնք պարունակում եմ այլոց նկատմամբ վիրավորական արտահայտություններ, կամ մեղադրանքներ, կամ մտքեր, որոնք խախտում են Հայաստանի Հանրապետության Սահմանադրությամբ սահմանված այլոց իրավունքները։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]