Ժամանակը Երևանում՝ 11:07:36,   4 Հուլիս 2022

Մանուէլ Պետրոսյանը՝ Ստեփան Ավագյանի հուշամրցաշարի հաղթող

Մանուէլ Պետրոսյանը՝ Ստեփան Ավագյանի հուշամրցաշարի հաղթող

ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Ջերմուկում ավարտվեց Ստեփան Ավագյանի անվան շախմատային միջազգային հուշամրցաշարը։ 

«Արմենպրես»-ի հաղորդմամբ` մրցաշարն անցկացվում էր շրջանային մրցակարգով՝ 10 մասնակիցներով, 9 խաղափուլով՝ ՖԻԴԵ-ի կանոնների համաձայն: Մրցաշարը ՖԻԴԵ-ի 15-րդ կարգի էր՝ 2602 միջին վարկանիշով:  
Մրցաշարի մասնակիցներն էին գրոսմյաստերներ Հովհաննես Գաբուզյանը, Սամուել Սևյանը, Հայկ Մարտիրոսյանը, Սամվել Տեր-Սահակյանը, Դավիթ Պառավյանը, Մանուէլ Պետրոսյանը, Շանթ Սարգսյանը, Արամ Հակոբյանը, Տիգրան Հարությունյանը և միջազգային վարպետ Մամիկոն Ղարիբյանը:
9 հնարավորից վաստակելով 5,5 միավոր՝ մրցաշարի հաղթող դարձավ գրոսմայստեր Մանուէլ Պետրոսյանը։ Պետրոսյանը Ստեփան Ավագյանի հուշամրցաշարի հաղթող է դառնում 2-րդ տարին անընդմեջ։  Նույնքան միավոր վաստակած Շանթ Սարգսյանը գրավեց 2-րդ հորիզոնականը։ Արամ Հակոբյանը, Սամվել Տեր-Սահակյանը և Տիգրան Հարությունյանը 5-ական միավորով կիսեցին 3-5-րդ հորիզոնականները։ Լրացուցիչ ավելի բարձր ցուցանիշների շնորհիվ 3-րդ հորիզոնականը զբաղեցրեց Արամ Հակոբյանը։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]