1000х90.jpg (78 KB)

Երևանում՝ 11:07,   28 Մարտ 2024

ՌԴ-ում օդանավի կոշտ վայրէջքի պատճառով 7 մարդ զոհվել է

ՌԴ-ում օդանավի կոշտ վայրէջքի պատճառով 7 մարդ զոհվել է

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ։ ՌԴ Կեմերովոյի մարզում L-410 ինքնաթիռը կոշտ վայրէջք է կատարել, ինչի պատճառով 7 մարդ զոհվել է։

Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, ՌԴ ԱԻ ծառայության ներկայացուցիչը հայտնել է, որ զոհերից երկուսը օդաչուներն են, 15 մարդ էլ տուժել է։

Նրա խոսքով՝ դեպքը տեղի է ունեցել Ժուրավլյովո կոչվող շրջանում։

Դեպքի վայրում օպերատիվ շտաբ է ստեղծվել, այնտեղ են նաև Կեմերովոյի մարզի նահանգապետի առաջին տեղակալ, շրջանի կառավարության նախագահ Վյաչեսլավ Տելեգինը, Կեմերովոյի մարզի նահանգապետի անվտանգության եւ իրավակարգի հարցերով տեղակալ Վալերի Դոգադովը, տարածաշրջանի առողջապահության նախարար Միխայիլ Մալինը:

Բժիշկները հետազոտում են 11 տուժածի, նրանց վիճակը միջին և թեթև ծանրության է։ Եվս 4 հոգու վիճակը ծանր է, նրանք տեղափոխվել էին հիվանդանոց ուղղաթիռով։

Հաղորդվում է, որ ինքնաթիռը պատկանել է Ռուսաստանի բանակին, ավիացիային և նավատորմին աջակցող կամավոր ընկերությանը՝ ДОСААФ-ին:

Արդեն իսկ հարուցվել է քրեական գործ՝ անվտանգության նորմերի խախտման հատկանիշներով։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]