1000х90.jpg (78 KB)

Երևանում՝ 11:07,   29 Մարտ 2024

Սերժ Սարգսյանը քվեարկեց հանուն անվտանգ, տնտեսապես զարգացած ՀՀ-ի և Արցախի

Սերժ Սարգսյանը քվեարկեց հանուն անվտանգ, տնտեսապես զարգացած ՀՀ-ի և Արցախի
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Ձորաղբյուրի միջնակարգ դպրոցում տեղակայված թիվ 29/45 ընտրատեղամասում իր քաղաքացիական պարտքը կատարեց ՀՀ երրորդ նախագահ Սերժ Սարգսյանը: «Արմենպրես»-ի հաղորդմամբ, նա նշեց, որ իր ընտրությունը կատարել է դեռ 33 տարի առաջ, այսօր էլ իր վերաբերմունքը չի փոխվել:

«Ես քվեարկել եմ հանուն անվտանգ, ինքնիշխան, տնտեսապես զարգացած Հայաստանի, Արցախի հանրապետությունների, հանուն հզոր հայկական բանակի, հանուն մեր սահմանների անձեռնմխելիության, հանուն մեր հասարակության հաշտեցման»,-ասաց Սերժ Սարգսյանը՝ կարևորելով հասարակության պառակտվածության խնդիրը լուծելը: Նա ընդգծեց, որ պառակտված հասարակության պարագայում հնարավոր չէ ինչ-որ բանի հասնել՝ ոչ անվտանգություն, ոչ տնտեսական առաջընթաց:

Անդրադառնալով ընտրությունների ընթացքին՝ Սերժ Սարգսյանը նշեց, որ ամբողջ իրավապահ համակարգը, հատկապես քարոզարշավի վերջին օրերին, լծված է իրենց դաշինքի դեմ բիրտ ուժ կիրառելու գործին՝ անօրինական խուզարկություններ, ձերբակալություններ: «Պատիվ ունեմ» դաշինքն ուշադիր հետևում է իրադարձություններին: Սերժ Սարգսյանը նշեց, որ օրվա երկրորդ կեսին միջանկյալ հայտարարությամբ հանդես կգան:

Հարցին, թե խորհրդարանում որ այլ ուժերի հետ է «Պատիվ ունեմ» դաշինքը պատկերացնում համագործակցության հնարավորությունը, Սերժ Սարգսյանը նշեց, որ դեռ վաղ է այդ մասին խոսելը:

«Այս ընտրությունները նախորդներից զգալիորեն տարբերվում են, և հիմա շանսերի վերաբերյալ կանխատեսումներ անելն անշնորհակալ գործ է: Ընտրությունների արդյունքներից հետո կխոսենք նման հարցերի մասին»,-ասաց Սերժ Սարգսյանը:

Լրագրողները հետաքրքրվեցին, թե ինչու ՀՀ նախկին վարչապետ Կարեն Կարապետյանը չի սատարում «Պատիվ ունեմ» դաշինքին, այլ սատարում է «Հայաստան» դաշինքին, Սերժ Սարգսյանը նշեց, որ դա Կարեն Կարապետյանին պետք է հարցնել:

Քվեարկության ընթացքը նկարահանում էին նաև միջազգային լրատվամիջոցներ: Վրացական լրատվամիջոցներից մեկը հետաքրքրվեց հայ-վրացական հարաբերությունների հետագա զարգացման առնչությամբ ՀՀ երրորդ նախագահի դիտարկումներով: Սերժ Սարգսյանը նշեց, որ, ըստ երևույթին, աշխարհում դժվար է որպես օրինակ գտնել պետություններ, որոնք հազարամյակներ ապրել են կողք կողքի և միմյանց դեմ լուրջ պատերազմներ չեն մղել: «Մենք պետք է դա հասկանանք ու զարգացնենք»,-ասաց Սերժ Սարգսյանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]