1000х90.jpg (78 KB)

Երևանում՝ 11:07,   28 Մարտ 2024

Վայոց Ձորի Հորս համայնքում ոռոգման ջրամբարի ջրատարի կառուցում ՝ Ճապոնիայի կառավարության աջակցությամբ

Վայոց Ձորի Հորս համայնքում ոռոգման ջրամբարի ջրատարի կառուցում ՝
Ճապոնիայի կառավարության աջակցությամբ

ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ/ԳՈՐԾԸՆԿԵՐՆԵՐԻ ԼՈՒՐԵՐ: 2021թ. հունիսի 29-ին Վայոց ձորի Հորս գյուղում տեղի ունեցավ «Հորս համայնքում ոռոգման ջրամբարի ջրատարի կառուցման» դրամաշնորհային ծրագրի ավարտին նվիրված արարողություն: Ծրագիրն իրականացվել է համաձայն Հայաստանում Ճապոնիայի դեսպանատան և «Բեզոար» բնության պահպանության հասարակական կազմակերպության միջև կնքված պայմանագրի՝ Ճապոնիայի կառավարության կողմից «Մարդկային անվտանգության «Grassroots» ծրագրերի» համար տրամադրվող դրամաշնորհային աջակցության շրջանակներում:

Արարողությանը ներկա էին ՀՀ-ում Ճապոնիայի արտակարգ և լիազոր դեսպան պարոն ՖուկուշիմաՄասանորին, Վայոց ձորի մարզպետ Արարատ Գրիգորյանը, ՀՀ ԳՄ Վայոց ձորի մարզային և տարածքային կառույցների ղեկավարներ և այլք:

Սույն ծրագրի շրջանակներում, Վայոց Ձորի մարզի Եղեգիս համայնքի Հորս  բնակավայրում կառուցվել է ոռոգման ջրատար` չոր եղանակային պայմաններում համայնքին ոռոգման ջուր մատակարարելու նպատակով: Ծրագրի արդյունքում Հորս համայնքում ավելի քան 420 մարդ ունի ոռոգման ջրի կայուն մատակարարում:

Ներկաներին ուղղված ողջույնի խոսքում Արարատ Գրիգորյանը շնորհակալություն հայտնեց Ճապոնիայի դեսպանին և Ճապոնիայի Կառավարությանը, ինչպես նաև նախաձեռնության բոլոր մասնակիցներին, ծրագրի հաջող իրականացման կապակցությամբ։Մարզպետը նաև շնորհավորեց դեսպան Ֆուկուշիմային Հայաստանում Ճապոնիայի դեսպանի պատասխանատու առաքելությունը ստանձնելու կապակցությամբ՝ վստահություն հայտնելով, որ նա իր բացառիկ նպաստը կունենա հայ-ճապոնական հարաբերությունների ամրապնդման գործում:

Իր հերթին դեսպան Ֆուկուշիման շեշտեց, որ հատկապես ուրախ է տեղեկանալ, որ ծրագրի արդյունքում Հորս համայնքում ավելի քան 420 մարդ արդեն ունի ոռոգման ջրի կայուն մատակարարում: Հաշվի առնելով գյուղատնտեսության կարևորագույն դերը Հայաստանի տնտեսական զարգացման գործում՝ այս ծրագիրը լիովին համահունչ է Հայաստանի կառավարության գերակայություններին, այն է՝ բարձրացնել գյուղատնտեսության արդյունավետությունը` բարելավելով ոռոգման ջրի հասանելիության մակարդակը։

 

ԱՐՄԵՆՊՐԵՍ գործակալությունը պատասխանատվություն չի կրում այս բաժնում և ժապավենում տեղ գտած մամուլի հաղորդագրությունների բովանդակության համար։ Բաժնի նյութերի բովանդակության համար պատասխանատվությունը կրում է բացառապես մամուլի հաղորդագրության հեղինակը։ ԱՐՄԵՆՊՐԵՍԸ չի կարող համարվել պատասխանատու այս բաժնում հրապարակված հաղորդագրությունների հեղինակների կողմից ներկայացված տեղեկատվության անճշտությունների / սխալների համար։
ԱՐՄԵՆՊՐԵՍՆ իրեն իրավունք է վերապահում չհրապարակել այն հաղորդագրությունները, որոնք պարունակում եմ այլոց նկատմամբ վիրավորական արտահայտություններ, կամ մեղադրանքներ, կամ մտքեր, որոնք խախտում են Հայաստանի Հանրապետության Սահմանադրությամբ սահմանված այլոց իրավունքները։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]