Ժամանակը Երևանում՝ 11:07:36,   27 Հոկտեմբեր

Որոշ ԲԿ-ներում պետպատվերի համար սահմանված տեղերն արդեն լրացել են․ ԱՆ-ն տեղեկացնում է՝ գործում է հերթագրման կարգ

Որոշ ԲԿ-ներում պետպատվերի համար սահմանված տեղերն արդեն լրացել են․ ԱՆ-ն 
տեղեկացնում է՝ գործում է հերթագրման կարգ

ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ։ ՀՀ առողջապահության նախարարությունից հերքում են, որ ներքին կարգով գերատեսչությունից գրություն է իջեցվել բժշկական հաստատություններին՝ քաղաքացիներին պետպատվերով սպասարկելը դադարեցնելու մասին։

«Արմենպրես»-ի հետ զրույցում՝ ԱՆ մամուլի խոսնակ Հռիփսիմե Խաչատրյանը նշեց, որ որոշ բուժհաստատություններում պետպատվերի համար սահմանված տեղերն արդեն լրացել են։

«Հաշվի առնելով հետպատերազմյան շրջանում ակտիվ դիմելիությունը՝ շատ սպասելի երևույթ է։ Միևնույն ժամանակ, սա չի նշանակում, որ այս խնդիրը բոլոր ԲԿ-ներում է։ Կարևոր է նաև այն հանգամանքը, որ բուժհաստատությունները պետք է զգուշացնեն քաղաքացիներին, որ գործում է հերթագրման կարգ։ Գրանցվելուց հետո, մեր քաղաքացիները կկարողանան ստանալ իրենց բուժումը»,- նշեց Խաչատրյանը։

Սոցիալական ցանցերում տեղեկություններ են շրջանառվում, որ օգոստոսի 1-ից Առողջապահության նախարարությունը հրաժարվում է սպասարկել այն քաղաքացիներին, ովքեր պետպատվերով տրամադրվող բուժօգնություն ստացող շահառու են։ ԶԼՄ-ները հայտնում են, որ ԱՆ-ից ներքին կարգով գրություն է իջեցվել, համաձայն որի, դեռևս 2004 թվականից գործող օրենքը որոշվել է որոշ ժամանակով դադարեցնել։

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]