Թուրքական արտադրության առաջին հաղորդակցության արբանյակը տիեզերք կարձակվի SpaceX ընկերության կողմից
17:04, 17 Սեպտեմբեր 2021
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքական արտադրության առաջին հաղորդակցության արբանյակը՝ Türksat 6A-ն, 2023 թ. տիեզերք կարձակվի Իլոն Մասկի SpaceX ընկերության կողմից:
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Թուրքական արբանյակի տիեզերք արձակումը տեղի կունենա արբանյակն արտադրող թուրքական Türksat AŞ և SpaceX ընկերությունների միջև ստորագրված պայմանագրի շրջանակներում:
Նախատեսվում է արբանյակի արտադրական և փորձարկման աշխատանքները ավարտել 2022թ.-ին:
Բաժանորդագրվեք մեր ալիքին Telegram-ում