389.46
Մոլդովայի ԱԳ նախարարը շնորհավորել է Արարատ Միրզոյանին՝ խաղաղություն, համերաշխություն և բարեկեցություն մաղթելով հայ ժողովրդին
1 րոպեի ընթերցում
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ: Մոլդովայի փոխվարչապետ, արտաքին գործերի նախարար Նիկու Պոպեսկուն Հայաստանի անկախության 30-րդ տարեդարձի առթիվ շնորհավորական ուղերձ է հղել Հայաստանի Հանրապետության արտաքին գործերի նախարար Արարատ Միրզոյանին՝ խորին հարգանք հայտնելով իր հայ գործընկերոջը և խաղաղություն, համերաշխություն ու բարեկեցություն մաղթելով հայ ժողովրդին: «Արմենպրես»-ի հաղորդմամբ՝ այդ մասին տեղեկացնում է Հայաստանի Արտաքին գործերի նախարարությունը:
«Համոզված եմ, որ ավանդաբար բարեկամական հարաբերությունները մեր երկրների և ժողովուրդների միջև հետագայում ևս ամուր հիմք կծառայեն փոխադարձ հետաքրքրություն ներկայացնող տարբեր ոլորտներում մոլդովա-հայկական համագործակցության զարգացման համար», - նշել է Մոլդովայի արտգործնախարարը՝ հույս հայտնելով, որ Մոլդովայի Հանրապետության և Հայաստանի Հանրապետության արտաքին քաղաքական գերատեսչությունները կշարունակեն ակտիվ երկխոսությունը երկկողմ օրակարգի արդիական հարցերի լայն շրջանակի շուրջ:
Բաժանորդագրվեք մեր ալիքին Telegram-ում