Ժամանակը Երևանում՝ 11:07:36,   27 Հոկտեմբեր

Գնել Սանոսյանը Շուռնուխում ծանոթացել է բնակելի տների շինարարության ընթացքին

Գնել Սանոսյանը Շուռնուխում ծանոթացել է բնակելի տների շինարարության ընթացքին

ԵՐԵՎԱՆ, 14 ՀՈԿՏԵՄԲԵՐ, ԱՐՄԵՆՊՐԵՍ: ՀՀ տարածքային կառավարման և ենթակառուցվածքների նախարար Գնել Սանոսյանը Շուռնուխում ծանոթացել է համայնքում կառուցվող 13 բնակելի տների շինարարության ընթացքին: «Արմենպրես»-ի փոխանցմամբ՝ Սանոսյանը հայտնել է, որ շինարարությունը ակտիվ փուլում է:

«Այս տարվա փետրվարին կառավարությունը 470 միլիոն դրամ էր հատկացրել Հայաստանի քաղաքաշինության կոմիտեին՝ Շուռնուխ գյուղում իրենց բնակելի նշանակության գույքերի տնօրինման հնարավորությունից զրկված ընտանիքների բնակարանային խնդրի լուծման նպատակով: Յուրաքանչյուր բնակելի տան կառուցմանը զուգահեռ իրականացվում է անասնագոմերի և ցանկապատերի կառուցման աշխատանքներ:

Առաջին փուլի աշխատանքները պետք է ավարտվեն մինչև տարեվերջ: Ծրագիրն ամբողջությամբ պետք է ավարտվի 3 տարում»,- «Ֆեյսբուք»-ի իր էջում գրել է նախարարը:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]