Ժամանակը Երևանում՝ 11:07:36,   27 Հոկտեմբեր

Ադրբեջանի կողմից հրադադարի խախտման հետևանքով Արցախում 6 հայ զինծառայող է վիրավորվել

Ադրբեջանի կողմից հրադադարի խախտման հետևանքով Արցախում 6 հայ զինծառայող է վիրավորվել

ՍՏԵՓԱՆԱԿԵՐՏ, 14 ՀՈԿՏԵՄԲԵՐԻ, ԱՐՄԵՆՊՐԵՍ։ Արցախի Հանրապետության պաշտպանության բանակը հաղորդագրություն է տարածել Ադրբեջանի կողմից հրադադարի խախտման մասին։ «Արմենպրես»-ի փոխանցմամբ՝ Պաշտպանության բանակի տարածած հաղորդագրության մեջ ասված է․

«Հոկտեմբերի 14-ի երեկոյան, ադրբեջանական զինված ուժերը կրակ են բացել Արցախի Հանրապետության արևելյան սահմանագոտում տեղակայված ՊԲ մարտական հենակետի ուղղությամբ, ինչի արդյունքում հրազենային վիրավորում է ստացել վեց զինծառայող: Միջադեպի մասին անհապաղ տեղեկացվել է Արցախում ՌԴ խաղաղապահ զորակազմի հրամանատարությունը:

Արցախի Հանրապետության պաշտպանության նախարարությունը հայտարարում է, որ շարունակում է հավատարիմ մնալ հրադադարի ռեժիմի պահպանմանը և կոչ է անում ադրբեջանական կողմին նույնպես ձեռնպահ մնալ իրադրությունն ապակայունացնող գործողություններից»:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]