1000х90.jpg (78 KB)

Երևանում՝ 11:07,   29 Մարտ 2024

Թալիբները Չինաստանին խնդրել են օգնել աֆղանցի ձեռնարկատերերին՝ ուղղակիորեն առեւտուր անել չինացի գործընկերների հետ

Թալիբները Չինաստանին խնդրել են օգնել աֆղանցի ձեռնարկատերերին՝ ուղղակիորեն առեւտուր անել չինացի գործընկերների հետ

ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: «Թալիբան» շարժման արտաքին գործերի նախարար Ամիր Խան Մութաքին Չինաստանի արտաքին քաղաքական գերատեսչության ղեկավար Վան Իի հետ հանդիպմանը խնդրել Է օգնել աֆղանցի ձեռնարկատերերին՝ ուղղակիորեն առեւտուր անել չինացի գործընկերների հետ: Այդ մասին հաղորդել Է թալիբների ԱԳՆ-ն, տեղեկացնում Է «Արմենպրես»-ը:

«Մութաքին հորդորել Է չինական կողմին՝ օգնել լուծելու աֆղանցի առեւտրականների խնդիրները եւ ուղղակիորեն Աֆղանստանից Չինաստան արտահանել այնպիսի ապրանքներ, ինչպիսիք են՝ մարմարը, դեղաբույսերը, նուշը, թզի չիրը, գետնանուշը եւ մայրու ծառի ընկույզները»,-ասվում Է հաղորդագրության մեջ:

Աֆղանական կողմը նաեւ հորդորել Է չինացի գործընկերներին՝ աֆղանցի ուսանողներին հնարավորություն ընձեռել բարձրագույն կրթություն ստանալու Չինաստանում:

Մութաքին շնորհակալություն Է հայտնել չինական կողմին անցյալում աֆղանցի ուսանողներին բաժնեմասեր եւ կրթաթոշակներ տրամադրելու համար: Իր հերթին Չինաստանի արտաքին գործերի նախարարը նշել Է, որ ՉԺՀ-ն ապագայում կաշխատի երկու երկրների ընդհանուր շահերի հիման վրա եւ երբեք չի միջամտի Աֆղանստանի ներքին գործերին:

Վան Ին ընդգծել Է, որ իր երկիրը հարգում Է Աֆղանստանի անվտանգությունը, անկախությունը եւ տարածքային ամբոողջականությունը:

Օգոստոսին թալիբների կողմից Աֆղանստանը նվաճելուց հետո երկրից ԱՄՆ-ի եւ ՆԱՏՕ-ի զորքերի դուրսբերման ֆոնին արմատական շարժման ներկայացուցիչները հայտարարել են, որ մեծ հույսեր են կապում Չինաստանի հետ: Ավելի վաղ թալիբների պաշտոնական ներկայացուցիչ Զաբիհուլլա Մուջահիդը Չինաստանը համարել Է «գլխավոր գործընկեր»:

Նրա խոսքով՝ Չինաստանը պատրաստ Է ներդրում ունենալ Աֆղանստանի վերականգնման գործում: Նա հայտարարել Է, որ թալիբները հույս ունեն «հին Մետաքսի ճանապարհը» վերականգնել «Մեկ գոտի՝ մեկ ճանապարհ» չինական նախաձեռնության շնորհիվ:

«Աֆղանստանում կան հարուստ պղնձահանքեր, որոնք կարելի Է արդիականացնել ՉԺՀ-ի օգնությամբ»,-հիշեցրել Է Մուջահիդը, հաղորդել Է «Ինտերֆաքս»-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]