1000х90.jpg (78 KB)

Երևանում՝ 11:07,   28 Մարտ 2024

Twitter-ի նոր գլխավոր տնօրենը հայտնել է ընկերության վերակազմակերպման մասին

Twitter-ի նոր գլխավոր տնօրենը հայտնել է ընկերության վերակազմակերպման մասին

ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ։ Twitter-ի գլխավոր տնօրեն Փարագ Ագրավալը, ով այս պաշտոնում փոխարինել է Ջեկ Դորսիին, հայտարարել է ընկերության վերակազմակերպման մասին: «Արմենպրես»-ի փոխանցմամբ, այս մասին հայտնել է The Washington Post-ը՝ հղում անելով Ագրավալի նամակին, որն ուղարկվել է Twitter-ի աշխատակիցներին:  Ագրավալը հայտնել է, որ քայլն ուղղված է ընկերության գործունեության կարգավորմանը:

The Washington Post-ի տվյալներով՝ արտադրանքի նախագծման, դիզայնի ու մշակման համար պատասխանատու բաժինների աշխատակիցներն այսուհետ վերաբաշխվելու են երեք նոր ուղղություններով՝  սպառողական, եկամուտ և տեխնոլոգիաներ՝ կախված նրանից, թե նախկինում որ ոլորտում են մասնագիտացել: Բացի այդ, փոփոխությունների շրջանակում մինչև տարեվերջ ընկերությունը կլքեն գլխավոր ինժեներ Մայքլ Մոնտանոն ու գլխավոր դիզայներ Դենթլի Դևիսը:

Փարագ Ագրավալը բացատրել է ընկերության վերակազմակերպման իր որոշումը աշխատակիցների շրջանում պատասխանատվության մակարդակի բարձրացման ու խնդիրներն ավելի արագ լուծելու անհրաժեշտությամբ:

Twitter-ի հիմնադիր Ջեկ Դորսին նոյեմբերի 29-ին հայտնել էր, որ դադարեցնում է ընկերության գլխավոր տնօրենի պարտականությունների կատարումը: Տնօրենների խորհրդի անդամները միաձայն հաստատել էին այդ պաշտոնում տեխնիկական տնօրեն Փարագ Ագրավալի նշանակումը: Դորսին կպահի անդամակցությունը տնօրենների խորհրդում առնվազն մինչև 2022 թվականի մայիս՝ բաժնետերերի հաջորդ հանդիպում, ինչից հետո կլքի ընկերությունը:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]