Արման Թաթոյանը Ֆրանսիայում կհանդիպի մի շարք բարձրաստիճան անձանց հետ
13:36, 6 Դեկտեմբեր 2021
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ մարդու իրավունքների պաշտպան Արման Թաթոյանն այս շաբաթվա ընթացքում Ֆրանսիայում հանդիպումներ ու խորհրդակցություններ կունենա պետական մի շարք բարձրաստիճան անձանց և բարձր մարմինների հետ:
«Արմենպրես»-ի փոխանցմամբ՝ այս մասին տեղեկանում ենք ՀՀ ՄԻՊ-ի «Ֆեյսբուք» սոցիալական էջում տարածված հաղորդագրությունից:
Նշված է, որ հրավիրող կողմը Ֆրանսիայի Հայ դատի հանձնախումբն է: Արման Թաթոյանը հանդիպելու է Եվրոպական միության խորհրդարանի պատգամավորների և հայկական սփյուռքի կազմակերպությունների, հայ համայնքի հետ:
Այցի շրջանակում նախատեսված են նաև քննարկումներ Եվրոպայի խորհրդում:
Բաժանորդագրվեք մեր ալիքին Telegram-ում