1000х90.jpg (78 KB)

Երևանում՝ 11:07,   28 Մարտ 2024

Ջեյք Սալիվանը Հայաստանի ԱԽՔ-ի հետ հանդիպմանը չդեմարկացված սահմանների մոտ ռազմական տեղաշարժն անպատասխանատու և սադրիչ է որակել

Ջեյք Սալիվանը Հայաստանի ԱԽՔ-ի հետ հանդիպմանը չդեմարկացված սահմանների 
մոտ ռազմական տեղաշարժն անպատասխանատու և սադրիչ է որակել

ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի անվտանգության խորհրդի քարտուղար Արմեն Գրիգորյանը դեկտեմբերի 15-ին Վաշինգտոնում  հանդիպել է ԱՄՆ նախագահ Ջո Բայդենի Ազգային անվտանգության հարցերով խորհրդական Ջեյք Սալիվանի հետ: «Արմենպրես»-ի հաղորդմամբ՝ այս մասին հայտնում է Սպիտակ տունը:

Սալիվանը վերահաստատել է ԱՄՆ հանձնառությունը՝ Հայաստանում և Հարավային Կովկասի տարածաշրջանում խաղաղություն, անվտանգություն և բարօրություն հաստատելու հարցում: «Նա մտահոգություն է հայտնել Հայաստանի և Ադրբեջանի միջև պահպանվող լարվածության առնչությամբ և շեշտել է, որ ռազմական տեղաշարժը չդեմարկացված սահմանների մոտ անպատասխանատու և սադրիչ է: Նա ողջունել է երկու կողմերի միջև շարունակվող շփումը և ընդգծել ԱՄՆ հանձնառությունը՝ շարունակել աջակցել վստահություն առաջացնող մեթոդներին ու տարածաշրջանային հաշտեցմանը՝ ինչպես երկկողմ հարաբերությունների մակարդակում, այնպես էլ որպես Մինսկի խմբի համանախագահ երկիր: Պարոն Սալիվանը ողջունել է երեկ տեղի ունեցած հայտարարությունն այն մասին, որ Թուրքիան և Հայաստանը հատուկ ներկայացուցիչներ կնշանակեն՝ քննարկելու կարգավորման գործընթացը»,- ասվում է հայտարարության մեջ:

Սպիտակ տնից նշել են նաև, որ ԱՄՆ նախագահի Ազգային անվտանգության հարցերով խորհրդականը ողջունել է ՀՀ վարչապետ Նիկոլ Փաշինյանի մասնակցությունը «Ժողովրդավարության գագաթնաժողով»-ին և վերահաստատել ԱՄՆ աջակցությունը Հայաստանում բարեփոխումների, ժողովրդավարական ինստիտուտների կառուցման և տնտեսական զարգացման հարցում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]