1000х90.jpg (78 KB)

Երևանում՝ 11:07,   28 Մարտ 2024

Հայաստանը և Արցախը հիմա դիմագրավում են մերօրյա ֆաշիզմին․ Քրիստինե Վարդանյան

Հայաստանը և Արցախը հիմա դիմագրավում են մերօրյա ֆաշիզմին․ Քրիստինե 
Վարդանյան

ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ։ Ժողովուրդները իրար հետ պատերազմում են, հաղթում են այդ պատերազմում, պատրվում են, սակայն առողջ հասարակությունները կարողանում են երկու արդյունքն էլ տանել արժանապատվությամբ։ Ինչպես տեղեկացնում է «Արմենպրես»-ը, Ազգային ժողովի նիստի ժամանակ իր ելույթում ասաց «Հայաստան» խմբակցության պատգամավոր Քրիստինե Վարդանյանը։

«Առողջ հասարակություններում, ովքեր չունեն մարդատյաց ղեկավարներ, երբեք մի ազգի անուն որպես վիրավորանք չեն օգտագործում, ինչպես Թուրքիայի դեպքում է, երբեք մարդ գլխատելու համար հերոսի կոչում չեն շնորհում, ցեղասպանություն և էթնիկ զտումներ չեն իրականացնում։ Առողջ ղեկավարները քիմիական զենք չեն օգտագործում, սեփական մայրաքաղաքում պատերազմի թանգարաններ չեն բացում, դպրոցներում և մանկապարտեզներում հայատյացություն չեն սերմանում, կարճ ասած 21-րդ դարում չեն դառնում ֆաշիստ։ Ուրեմն ստացվում է Հայաստանը և Արցախը հիմա դիմագրավում են մերօրյա ֆաշիզմին»,- ասաց Վարդանյանը։

Պատգամավորը ընդգծեց՝ պետք է բոլորը արձանագրեն, որ առանց հայկական պետականության հայ ժողովուրդը դատապարտված է ստորաքարշ գոյության։

«Պետք է հասկանանք, որ եթե չենք ուզում, որ մեր եղբայրներն ու որդիները ծառայեն հայկական բանակում, չենք ուզում նրանց տեսնել հայկական բանակում, ստիպված ենք լինելու նրանց տեսնել այլ պետությունների զորքերի կազմում, հայկական հարցի հետ կապ չունեցող պատերազմներում մասնակցելիս։ Եթե չենք ցանկանում կերակրել հայկական բանակը, ստիպված կերակրելու ենք այլ պետությունների բանակը։ Կարծում եմ, պետք է իրար հետ պայմանավորվենք, հասկանանք, որոնք են մեր պետականության հիմքերը, իսկ մեր պետականության հիմքերը մեր հավատքն է, մեր լեզուն, մեր մշակույթը և մեր սոցիալ-մշակութային կապերն են»,- եզրափակեց Վարդանյանը։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]