1000х90.jpg (78 KB)

Երևանում՝ 11:07,   28 Մարտ 2024

Գեղարքունիքի մարզում նշվեց Հայոց բանակի կազմավորման 30-րդ տարեդարձը

Գեղարքունիքի մարզում նշվեց Հայոց բանակի կազմավորման 30-րդ տարեդարձը

ԳԱՎԱՌ, 28 ՀՈՒՆՎԱՐԻ, ԱՐՄԵՆՊՐԵՍ։ Գեղարքունիքի մարզում Հայոց բանակի կազմավորման 30-րդ տարեդարձը նշվեց պետական հիմնարկներում, կրթամշակութային հաստատություններում, զորամասերում։ «Արմենպրես»-ի տեղեկացմամբ՝ այն ընթացավ ծաղկեդրումով ու մոմավառությամբ, Հանրապետական մաղթանքով, հիշատակի արարողություններով, Հայոց բանակին նվիրված գրական-գեղարվեստական միջոցառումներով։

Գեղարքունիքի մարզպետի տեղակալ Ռուբիկ Նավոյանը, մարզպետարանի գլխավոր քարտուղար Սեւակ Խլղաթյանը, մարզպետարանի ստորաբաժանումների ղեկավարները, Հայ Առաքելական եկեղեցու Գեղարքունյաց թեմի հոգեւոր դասի ներկայացուցիչները ծաղիկներ խոնարհեցին Արցախյան ազատամարտում  զոհված հայորդիների հիշատակը հավերժացնող հուշարձանին, ապա Սուրբ Աստվածածին եկեղեցում մոմավառությամբ հարգեցին Հայոց բանակի հերոսացած զինվորների հիշատակը։ Կատարվեց Հանրապետական մաղթանք Հայրավանքի վանահայր Տեր Բաբկեն վարդապետ Սալբիյանի նախագահությամբ  եւ Գեղարքունյաց թեմի Գավառի տարածաշրջանի հոգեւոր հովիվ Տեր Նշան քահանա Սարգսյանի աղոթակցությամբ։

«Աղոթում ենք մեր հերոսների հոգիների հանգստության համար, սահմանին կանգնած մեր զինվորների համար ու հույս հայտնում, որ մեր բանակը կուղղի իր մեջքը, կհզորանա եւ կապահովի մեր հայրենիքի խաղաղությունն ու բարօրությունը»,- Հանրապետական մաղթանքից հետո ներկաներին դիմեց Տեր Բաբկեն վարդապետ Սալբիյանը։

Խոսրով Խլղաթյան  


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]