1000х90.jpg (78 KB)

Երևանում՝ 11:07,   29 Մարտ 2024

Վրաստանի նոր արտգործնախարարը հրավիրվել է ՆԱՏՕ-ի ԱԳ նախարարների հանդիպմանը

Վրաստանի նոր արտգործնախարարը հրավիրվել է ՆԱՏՕ-ի ԱԳ նախարարների 
հանդիպմանը

ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: Վրաստանի արտաքին գործերի նորանշանակ նախարար Իլյա Դարչիաշվիլին ապրիլի 6-7-ը Բրյուսելում կմասնակցի ՆԱՏՕ-ի անդամ և գործընկեր երկրների արտգործնախարարների հանդիպմանը։ Ինչպես տեղեկացնում է «Արմենպրես»-ը, այս մասին հայտնում է ՏԱՍՍ-ը՝ վկայակոչելով հանրապետության արտաքին գործերի նախարարության մամուլի ծառայության տարածած հաղորդագրությանը։

«Վրաստանի ԱԳՆ ղեկավարը Հյուսիսատլանտյան դաշինքի հրավերով կմասնակցի ՆԱՏՕ-ի ԱԳ նախարարների հանդիպմանը, որի շրջանակներում հանդիպումներ կանցկացվեն ՆԱՏՕ-ի մի խումբ գործընկեր երկրների՝ Վրաստանի, Ուկրաինայի, Շվեդիայի, Ֆինլանդիայի, Ճապոնիայի, Հարավային Կորեայի, Ավստրալիայի արտգործնախարարների հետ»,- ասվում է հաղորդագրության մեջ։

Դարչիաշվիլին Բրյուսելում կմնա մինչև ապրիլի 8-ը և կհանդիպի այլ երկրների գործընկերների, ինչպես նաև եվրոպական դիվանագիտության ղեկավար Խոսեպ Բորելի հետ, հավելել են Վրաստանի ԱԳՆ-ն։

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]