Ժամանակը Երևանում՝ 11:07:36,   29 Հունիս 2022

Հարցումը պարզել է գերմանացիների տեսակետն Ուկրաինային ծանր սպառազինության մատակարարելու վերաբերյալ

Հարցումը պարզել է գերմանացիների տեսակետն Ուկրաինային ծանր սպառազինության 
մատակարարելու վերաբերյալ

ԵՐԵՎԱՆ, 23 ԱՊՐԻԼ, ԱՐՄԵՆՊՐԵՍ: Գերմանացիների կեսը (50%) դեմ է Ուկրաինային ծանր սպառազինություն մատակարարելուն, հակառակ կարծիքին է հարցվածների 43%-ը:

«Արմենպրես»-ի հաղորդմամբ՝ ինչպես հայտնում է «ՌԻԱ Նովոստի»-ն, այս արդյունքն է գրանցվել  INSA հասարակական կարծիքի հետազոտական ինստիտուտի կողմից Bild-ի համար անցկացված հարցման արդյունքում:

Մի քանի օր առաջ հարցումն անցկացրել էր նաև Ֆորսա ինստիտուտը, ըստ որի՝ գերմանացիների մեծամասնությունը (51%) կողմ է Ուկրաինային հարձակողական զենքի և ծանր տեխնիկայի մատակարարմանը, 37%-ը դեմ է արտահայտվել նման մատակարարմանը։

Գերմանիայի կանցլեր Օլաֆ Շոլցն այս շաբաթ ասել էր, որ Բունդեսվերի պաշարներից Ուկրաինային զենք մատակարարելու հնարավորությունը գործնականում սպառված է:  Հետագա մատակարարումները Գերմանիայի իշխանությունները քննարկում  են երկրի պաշտպանական ընկերությունների հետ: 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]