Ժամանակը Երևանում՝ 11:07:36,   29 Հունիս 2022

Hayat Project-ի մասնակցությամբ տեղի է ունեցել բարեգործական համերգ, որի նպատակն է աջակցել QaylTech ընկերությանը

Hayat Project-ի մասնակցությամբ տեղի է ունեցել բարեգործական համերգ, որի 
նպատակն է աջակցել QaylTech ընկերությանը

ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: 2022 թվականի մայիսի 3-ին Hayat Project-ի մասնակցությամբ «Պլատֆորմ»-ում տեղի է ունեցել բարեգործական համերգ, որի նպատակն է աջակցել QaylTech ընկերությանն՝ արտադրել 35 MetaGait շարժունակության վերականգնման նորարարական սարք և տրամադրել պատերազմի հետևանքով զինհաշմանդամություն ստացած տղաներին և մանկական ուղեղային կաթված ունեցող երեխաներին։

«Արմենպրես»-ի հաղորդմամբ՝ միջոցառման ամբողջ հասույթն, այդ թվում  Gregorian գինիների վաճառքից ստացված գումարը, փոխանցվել է այս բարեգործական նախաձեռնությանը:

«Սա շատ կարևոր և լուրջ նախաձեռնություն է, բոլորիդ շնորհակալություն։ MetaGait-ը, մեր,առաջին հերթին զինվորներին, հետո նաև մեր հարազատներին, ովքեր քայլելու հնարավորություն չունեն, տալիս է նույն հնարավորությունները, որոնք մենք ունենք։ Ձեր տված ամեն վայրկյանը և դրամը հաշվի է առնվելու իրենց ապագայում»,- նշել է «ռեԱրմենիա»-ի տնօրեն Գևորգ Պողոսյանը:

Hayat project-ի պրոդյուսեր Վահե Կիրակոսյանն ընդգծել է.

«Hayat Project-ը առաջին անգամ չի մասնակցում բարեգործական միջոցառման և մեր առաջնային նպատակը` մեր զինվորներին հնարավոր ձևերով օգնելն է։ Այս անգամ շատ մարդ ներկա գտնվեց համերգին: Հույս ունեմ բավական քանակությամբ գումար կհավաքվի ապագայում ավելի շատ սարքեր արտադրելու նպատակով»:

Համերգի կազմակերպիչը 24 Production-նն է:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]