Ժամանակը Երևանում՝ 11:07:36,   25 Հունիս 2022

Արդարադատության նախարարությունը հայտարարում է Հարկադիր կատարումն ապահովող ծառայության համար սերվերների գնման մրցույթ

Արդարադատության նախարարությունը հայտարարում է Հարկադիր կատարումն 
ապահովող ծառայության համար սերվերների գնման մրցույթ

ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: ՀՀ կառավարության 2021-2026թթ.  ծրագրով նախատեսված դատաիրավական ոլորտի բարեփոխումների շրջանակներում գերակա է արդարադատության նախարարության հարկադիր կատարման ծառայության թվայնացումը։ Ինչպես «Արմենպրես»-ին տեղեկացրին ՀՀ արդարադատության նախարարությունից, հավատարիմ մնալով կառավարության որդեգրած թափանցիկ ու հաշվետու քաղաքականությանը, նախարարությունը ՀՀ ռեզիդենտ հանդիսացող և չհանդիսացող իրավաբանական և ֆիզիկական անձանց հրավիրում է մասնակցելու գնման գործընթացի համար հայտարարված մրցույթին՝ Հարկադիր կատարումն ապահովող ծառայության նոր էլեկտրոնային կառավարման համակարգի ներդրման ու գործարկման համար ծառայության սերվերային համակարգի տեխնիկական բնութագրին համապատասխան սերվերներ ձեռք բերելու նպատակով։
«Սերվերային համակարգի տեխնիկական առաջադրանքը հրապարակված է գնումների էլեկտրոնային https://eauction.armeps.am համակարգում։
Հայտերի ներկայացման վերջնաժամկետը 2022 թվականի մայիսի 16-ն է՝ ժամը 11:00-ն ներառյալ։

Հայտերն ընդունվում են՝

https://eauction.armeps.am/hy/public/tender_details/tid/17971/   

Համակարգ մուտք գործելու համար պետք է օգտագործել Firefox դիտարկիչ»,- ասվում է հայտարարության մեջ:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]