1000х90.jpg (78 KB)

Երևանում՝ 11:07,   28 Մարտ 2024

ՌԴ Պետդումայի նախագահը ՀԱՊԿ 30-ամյակի առթիվ շնորհավորել է կազմակերպության անդամ երկրների խորհրդարանների նախագահներին

ՌԴ Պետդումայի նախագահը ՀԱՊԿ 30-ամյակի առթիվ շնորհավորել է կազմակերպության 
անդամ երկրների խորհրդարանների նախագահներին

ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: ՀԱՊԿ Խորհրդարանական վեհաժողովի նախագահ, Պետական դումայի նախագահ Վյաչեսլավ Վոլոդինը շնորհավորել է Հայաստանի, Բելառուսի, Ղազախստանի, Ղրղզստանի եւ Տաջիկստանի խորհրդարանների խոսնակներին Հավաքական անվտանգության պայմանագրի ստորագրման 30-ամյակի կապակցությամբ: Այս մասին, ինչպես հաղորդում է «Արմենպրես»-ը, հայտնում է ՌԴ Պետդումայի կայքը:

Վյաչեսլավ Վոլոդինը նշել է. «ՀԱՊԿ-ն իր արդյունավետությունն ապացուցել է որպես տարածաշրջանային կայունության, անդամ պետությունների անկախության և ինքնիշխանության պաշտպանության երաշխավոր։ Կազմակերպությունը այսօր հանդես է գալիս որպես  միջազգային ահաբեկչության և ծայրահեղականության մարտահրավերների ու սպառնալիքների հուսալի արգելք։ ՀԱՊԿ-ն ծանրակշիռ ներդրում ունի թմրամիջոցների եւ զենքի ապօրինի շրջանառության, կազմակերպված անդրազգային հանցավորության, անօրինական միգրացիայի դեմ պայքարում»: 

Վյաչեսլավ Վոլոդինն ընդգծել է, որ ամրապնդվում է հավաքական ռազմական ներուժը, «իրադրության կայունացման գործում Ղազախստանին աջակցություն ցուցաբերելու ուղղությամբ ՀԱՊԿ խաղաղապահների գործողությունների բարձր օպերատիվությունն ու ներդաշնակությունը դարձել են կազմակերպության հասունության հաստատումը»: 

«Ներկա պայմաններում մեծանում է Խորհրդարանական վեհաժողովի դերը, որը կոչված է նպաստելու ՀԱՊԿ շրջանակներում ստեղծված Հավաքական անվտանգության համակարգի ամրապնդման համար ընդհանուր որոշումների մշակմանը, այդ թվում ՝ ազգային օրենսդրությունների ներդաշնակեցման ճանապարհով»,- նշել է Պետական դումայի նախագահը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]