1000х90.jpg (78 KB)

Երևանում՝ 11:07,   29 Մարտ 2024

Հայաստանի հունական համայնքը հարգանքի տուրք մատուցեց Պոնտոսի հույների ցեղասպանության զոհերի հիշատակին

Հայաստանի հունական համայնքը հարգանքի տուրք մատուցեց Պոնտոսի հույների 
ցեղասպանության զոհերի հիշատակին

ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Հայաստանում հունական համայնքը հարգանքի տուրք է մատուցել 1916-1923թթ. Օսմանյան կայսրության ու Թուրքիայի Հանրապետության կողմից իրականացված Պոնտոսի հույների ցեղասպանության զոհերի հիշատակին: «Արմենպրես»-ի փոխանցմամբ՝ հիշատակի արարողությունը տեղի ունեցավ Երևանի Նորագավիթ թաղամասի Սուրբ Գևորգ եկեղեցու տարածքում: 

Առաջին անգամն է, որ հարգանքի տուրքի արարողությունն անցկացվում է եկեղեցում, որն ուղեկցվում է պատարագով։ 

Լուսանկարները` Մխիթար Խաչատրյանի

«Մենք՝ որպես փոքր ազգ, նախ պետք է ապագային նայենք: Հայ, հույն և մնացած փոքր ժողովուրդները պետք է հասկանան, որ փոքր ժողովուրդների գոյատևման համար հարկավոր է մեծ դաշույն։ Փոքր ժողովուրդները պետք է դառնան ուժեղ։ Եթե մենք և մնացած բոլոր փոքր պետությունները, ովքեր խնդիր ունեն Թուրքիայի հետ, ուզում են իրենց ձայնը լսելի լինի, պետք է ստեղծեն միասնական ճակատ, պետք է լինեն միասին հանուն իրենց գոյության պահպանման»,- նշեց Հայաստանի և Արցախի հույների «Պատրիդա» հասարակական կազմակերպության ղեկավար Էդուարդ Պոլատովը։ 

Ներկաները, որոնց թվում էին նաև վարչապետի աշխատակազմի ազգային փոքրամասնությունների կրթամշակութային կենտրոնի ղեկավար Ավագ Հակոբյանը և Երևանի «Պոնտի» հունական համայնքի նախագահ Էդուարդ Միխայլովը, ի հիշատակ Պոնտոսի հույների ցեղասպանության նահատակների՝ մոմ վառեցին եկեղեցում։ 

2015թ․ մարտի 24-ին Հայաստանը պաշտոնապես ճանաչել է Պոնտոսի հույների ցեղասպանությունը։

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]