Ժամանակը Երևանում՝ 11:07:36,   2 Հուլիս 2022

Համաշխարհային հակադոպինգային գործակալությունը բարեփոխումների շարք է սկսել  

Համաշխարհային հակադոպինգային գործակալությունը բարեփոխումների շարք է սկսել

 

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Կահիրեում կայացել է համաշխարհային հակադոպինգային գործակալության (WADA)  հիմնադիր խորհրդի նիստը:

«Արմենպրես»-ի հաղորդմամբ` այս մասին հայտնում է ՀԱՕԿ-ը: Այն հաստատել է կազմակերպության ղեկավար մարմինների աշխատանքների բարեփոխման ընթացքը:

Առաջին նախագիծն ընդունվել է դեռևս  2021թ. նոյեմբերին։ Նպատակը կազմակերպությունում մարզիկների քանակն ավելացնելն էր:  

Գործընթացի մաս է կազմում WADA-ում մարզիկների խորհրդի ստեղծումը, որը  բաղկացած կլինի 20 անդամից. հինգը կառաջադրեն միջազգային օլիմպիական (ՄՕԿ) և  պարալիմպիկ (IPC) կոմիտեների, ութը կընտրվեն միջազգային ֆեդերացիաների մարզիկների, իսկ յոթը՝ մարզիկների հատուկ հանձնաժողովները: Ընտրված խորհուրդը ներկայացուցիչներ կնշանակի WADA-ի այլ կառույցներում։ 

Բարեփոխումների ներկայի տարբերակում մի շարք փոփոխություններ են կատարվում WADA-ի հիմնադիրների խորհրդի և կազմակերպության գործկոմի կազմում։

Կահիրեում կայացած նիստում Հարավային Կորեայի Պուսան քաղաքն ընտրվել է 2025թ. համաշխարհային կազմակերպության վեցերորդ համաժողովի անցկացման վայր:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]