1000х90.jpg (78 KB)

Երևանում՝ 11:07,   28 Մարտ 2024

Անկարայում ավարտվել են Շվեդիայի ու Ֆինլանդիայի՝ ՆԱՏՕ-ին անդամակցելու հարցով բանակցությունները

Անկարայում ավարտվել են Շվեդիայի ու Ֆինլանդիայի՝ ՆԱՏՕ-ին անդամակցելու հարցով 
բանակցությունները

ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Անկարայում ավարտվել են թուրքական, շվեդական ու ֆիննական պատվիրակությունների՝ ՆԱՏՕ-ին Շվեդիայի ու Ֆինլանդիայի անդամակցության հարցով բանակցությունները: «Արմենպրես»-ի փոխանցմամբ, այս մասին ՏԱՍՍ-ին հայտնել է տեղեկացված անանուն աղբյուրը:

Հայտնի է, որ բանակցությունները, որոնք շարունակվել են հինգ ժամ, տեղի են ունեցել Թուրքիայի նախագահական պալատում: Թուրքական կողմից մասնակցել են նախագահի ներկայացուցիչ Իբրահիմ Քալընը և փոխարտգործնախարար Սեդաթ Օնալը:

«Բանակցությունները նախ տեղի են ունեցել ամեն պատվիրակության հետ առանձին, ապա կայացել է եռակողմ հանդիպումը»,- հայտնել է աղբյուրը:

Շվեդիան ու Ֆինլանդիան մայիսի 18-ին պաշտոնապես դիմել են ՆԱՏՕ-ի գլխավոր քարտուղար Յենս Ստոլտենբերգին՝ դաշինքին անդամակցելու հարցով: Թուրքիան պաշտոնապես հանդես է եկել Հյուսիսատլանտյան դաշինքին այս երկու երկրների անդամակցության դեմ: Մասնավորապես, Թուրքիայի ղեկավար Էրդողանը թուրքական կողմի դիրքորոշումը բացատրել է Շվեդիայի և սկանդինավյան այլ երկրների կողմից քուրդ զինյալներին, ում Թուրքիան համարում է ահաբեկիչ, աջակցելու հանգամանքով: «Սկանդինավյան երկրները նման են ահաբեկչական կազմակերպությունների հյուրատան», - ասել է Էրդողանը՝ նկատի ունենալով Թուրքիայում արգելված Քրդական բանվորական կուսակցության գործունեությունն այդ երկրներում։

 

 

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]