Երևանում՝ 11:07,   29 Փետրվար 2024

Գյումրին կունենա միասնական զբոսաշրջային տեղեկատվական կայք

Գյումրին կունենա միասնական զբոսաշրջային տեղեկատվական կայք

ԳՅՈՒՄՐԻ, 19 ՀՈՒՆԻՍԻ,  ԱՐՄԵՆՊՐԵՍ: Գյումրին կունենա միասնական զբոսաշրջային տեղեկատվական կայք: Գյումրիում զբոսաշրջության նորարարական զարգացման նպատակով հայտարարվել է «Գյումրիում զբոսաշրջության ստեղծարար զարգացում և թվայնացում» թեմայով մրցույթների շարք:

Ինչպես տեղեկացնում է «Արմենպրես»-ը, ստեղծարար նախագծերի մրցույթների նպատակն է հավաքագրել և իրականցնել գաղափարներ` ուղղված Գյումրիում զբոսաշրջության նորարարական զարգացմանը։ Մրցույթին  մասնակցելու հնարավորություն կունենան ուսանողներ և ուսանողական խմբեր ոչ միայն Գյումրուց, այլ նաև՝ Հայաստանի Հանրապետության ողջ տարածքից:

Մրցույթների շարքն իրականացվում է Գյումրու համայնքապետարանի, «Ձեռնարկությունների ինկուբատոր» հիմնադրամի և Գյումրու տեխնոլոգիական կենտրոնի (ԳՏԿ) համագործակցությամբ։

Նախաձեռնության իրականացման համար Գյումրու համայնքապետարանի ու «Ձեռնարկությունների ինկուբատոր» հիմնադրամի ԳՏԿ ծրագրի միջև կնքվել է հուշագիր:

«Հուշագրի հիմքում Գյումրիում զբոսաշրջության ստեղծարար զարգացման և թվայնացման ուղղությամբ համատեղ միջոցառումների իրականացման հնարավորություններն են, մասնավորապես, միասնական զբոսաշրջային թվային տեղեկատվական կայքի, Գյումրու ստեղծարար քարտեզի և ինֆորմացիոն կետերի նախագծման և իրագործման մրցույթների համատեղ կազմակերպումը»,- «Արմենպրես»-ին տեղեկացրեց ԳՏԿ հանրային կապերի պատասխանատու Սեդա Սահակյանը:

 

Արմենուհի Մխոյան   


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]