1000х90.jpg (78 KB)

Երևանում՝ 11:07,   29 Մարտ 2024

Ամերիկայի հայկական համագումարը ողջունում է Քրիստինա Կվիենի և Լորա Հոչլայի նշանակումները

Ամերիկայի հայկական համագումարը ողջունում է Քրիստինա Կվիենի և Լորա Հոչլայի 
նշանակումները

ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Ամերիկայի հայկական համագումարը կտրականապես դեմ է 907 Բանաձևի կասեցմանը: Կոնգրեսը պետք է նախօրոք ծանուցվի և դիտարկի Ադրբեջանին առաջարկվող ցանկացած օգնություն, ինչպես նաև պետք է ապահովի հաշվետվողականությունը ռազմական օգնության նախկին անհամաչափության վերաբերյալ: «Արմենպրես»-ի հաղորդմամբ՝ այս մասին նշված է Ամերիկայի հայկական համագումարի հաղորդագրության մեջ։

«Պետքարտուղարությունը երեկ Կոնգրեսին է փոխանցել ԱԶԱՏՈՒԹՅԱՆ Աջակցության ակտի 907 Բանաձևի կասեցման ստորագրված տարբերակը, հաղորդեց  Ամերիկայի հայկական համագումարը (Համագումար):

 Հաշվի առնելով վերջին վարչակազմի ժամանակ Հայաստանին և Ադրբեջանին տրամադրվող ռազմական օժանդակության անհավասարությունը և Ադրբեջանի կողմից շարունակական թշնամական գործողությունները Հայաստանի և Լեռնային Ղարաբաղի դեմ, այս տարվա սկզբին Կառավարության հաշվետվողականության գրասենյակի (GAO) զեկույցի բացահայտումների հետ մեկտեղ՝ ըստ որոնց, Պետդեպարտամենտը «ձախողեց կատարել հաշվետվողականության պահանջները՝ ԱՄՆ-ի կողմից Ադրբեջանի կառավարությանը տրամադրվող աջակցության վերանայման համար»՝ Համագումարը կտրականապես դեմ է 907 Բանաձևի կասեցմանը: Կոնգրեսը պետք է նախօրոք ծանուցվի և դիտարկի Ադրբեջանին առաջարկվող ցանկացած օգնություն, ինչպես նաև պետք է ապահովի հաշվետվողականությունը ռազմական օգնության նախկին անհամաչափության վերաբերյալ»,- հայտնում են Համագումարից։

«Այս վարչակազմը վճռական դիրքորոշում է որդեգրել ցեղասպանության կանխարգելման հարցում՝ բազմիցս ճանաչելով Հայոց ցեղասպանությունը, սակայն, հրաժարվել 907 Բանաձևից՝ նշանակում է ավելի շատ անմեղ կյանքերի կորուստ»,– հայտարարեցին Համագումարի համանախագահներ Էնթոնի Բարսամյանն ու Վան Գրիգորյանը: «Ամերիկայի հայկական համագումարը կոչ է անում Կոնգրեսին գործի դնել իր վերահսկողությունը՝ կանխելու հայ ժողովրդի ևս մեկ ցեղասպանություն և պաշտպանելու ԱՄՆ արժեքներն ու ամբողջականությունը»,– շարունակել են համանախագահները:

 Աղբյուրը տեղեկացնում է, որ հարակից զարգացումներում, Համագումարը ողջունում է Քրիստինա Կվիենի թեկնածությունը Հայաստանում ԱՄՆ հաջորդ դեսպանի պաշտոնում, ինչպես նաև Կովկասի հարցերով գրասենյակի ներկայիս տնօրեն Լորա Հոչլայի նշանակումը՝ ԵԱՀԿ Մինսկի խմբի ԱՄՆ-ի ժամանակավոր համանախագահի պաշտոնում: «Համագումարը ուշադիր հետևելու է առաջադրման գործընթացին և բարձր է գնահատում Հայաստանում ԱՄՆ ներկայիս դեսպան Լին Թրեյսիին՝ Հայաստանի Սյունիքի մարզում իր աշխատանքի համար։ Համագումարը շարունակում է կոչ անել ԱՄՆ-ի Միջազգային զարգացման գործակալությանը (USAID) հաստատուն ներկայություն ապահովել այնտեղ, ինչպես նաև Արցախում»,- նշվում է հաղորդագրության մեջ:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]