Ժամանակը Երևանում՝ 11:07:36,   9 Օգոստոս 2022

Իշխող «ՔՊ» խմբակցությունը Իշխան Սաղաթելյանին և Վահե Հակոբյանին պաշտոններից զրկելու գործընթաց է սկսել

Իշխող «ՔՊ» խմբակցությունը Իշխան Սաղաթելյանին և Վահե Հակոբյանին 
պաշտոններից զրկելու գործընթաց է սկսել

ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Ազգային ժողովում մեծամասնություն կազմող «Քաղաքացիական պայմանագիր» խմբակցությունը քիչ առաջ որոշում է կայացրել ԱԺ փոխնախագահ Իշխան Սաղաթելյանին և ԱԺ տնտեսական հարցերի մշտական հանձնաժողովի նախագահ Վահե Հակոբյանին պաշտոններից զրկելու գործընթաց սկսելու մասին: «Արմենպրես»-ի հաղորդմամբ՝ այդ մասին Ֆեյսբուքի իր էջում հայտնել է ԱԺ «ՔՊ» խմբակցության անդամ Էմմա Պալյանը:

Վարչապետ Նիկոլ Փաշինյանը հունիսի 27-ի ֆեյսբուքյան ասուլիսի ընթացքում խոսել էր նշված հարցի մասին` ասելով, որ Ազգային ժողովի «Քաղաքացիական պայմանագիր» խմբակցությունում առաջիկայում քննարկում է տեղի ունենալու` նիստերից բացակայող ընդդիմադիրներին մանդատից զրկելու հարցով: Ընդդիմադիրների դիտարկմանը, որ իրենց պատգամավորական մանդատը տվել է ժողովուրդը, և ոչ ոք դա չի կարող հետ վերցնել՝ Փաշինյանը պատասխանել էր, որ ժողովուրդը մանդատը տվել է ՀՀ օրենսդրության և Սահմանադրության շրջանակներում:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]