Ժամանակը Երևանում՝ 11:07:36,   12 Օգոստոս 2022

Ծաղկունք գյուղում կայացել է Արցախյան վերջին պատերազմի հերոս Վարդան Կարապետյանին նվիրված հուշամրցաշար  

Ծաղկունք գյուղում կայացել է Արցախյան վերջին պատերազմի հերոս Վարդան 
Կարապետյանին նվիրված հուշամրցաշար

 

ԳԱՎԱՌ, 29 ՀՈՒՆԻՍԻ, ԱՐՄԵՆՊՐԵՍ։ Գեղարքունիքի մարզի Սեւան համայնքի Ծաղկունք գյուղում տեղի է ունեցել Արցախյան 44-օրյա պատերազմում զոհված Վարդան Կարապետյանին նվիրված հուշամրցաշար, որին մասնակցել են ծաղկունքցի երիտասարդ ֆուտբոլիստները։

Ինչպես «Արմենպրես»-ին տեղեկացրին Սեւանի համայնքապետարանի աշխատակազմից՝ մինչ ֆուտբոլային մրցաշարի անցկացումը տեղի ունեցավ հուշ-ցերեկույթ, որի ընթացքում դպրոցի սաները հայրենասիրական երգերով, մեր հերոսներին նվիրված բանաստեղծական տողերով իրենց հարգանքի տուրքն են  մատուցել  Վարդանի եւ նրա ընկերների հիշատակին:

Մրցաշարին մասնակից ծաղկունքցի ավագ եւ պատանի սերնդի ֆուտբոլիստները պարգեւատրվել են  Վարդան Կարապետյանի անվան մեդալներով եւ պատվոգրերով: Ֆուտբոլային երկու գավաթներից մեկը հանձնվել է Վարդան Կարապետյանի ընտանիքին, իսկ մյուսը տեղադրվել  Ծաղկունքի բաց դպրոցում՝ վերջերս Վարդան Կարապետյանի անունով անվանակոչված դասասենյակում:

Օրվա խորհուրդն ամփոփվել է  Վարդանի շիրմին կատարված այցելությամբ։

Մարզական ինքնատիպ միջոցառման մասնակիցները, Վարդանի հարազատները ծաղկեպսակ են դրել  ու ծաղիկներ խոնարհել  հերոսի շիրմին։

Խոսրով Խլղաթյան








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]