ՀՀ նախագահը համոզմունք է հայտնել, որ Հայաստանի և Իտալիայի միջև առկա արդյունավետ համագործակցությունը հետագայում առավել կամրապնդվի
12:36, 23 Հուլիս 2022
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Հայաստանի Հանրապետության նախագահ Վահագն Խաչատուրյանը շնորհավորական ուղերձ է հղել Իտալիայի նախագահ Սերջիո Մատարելլային ծննդյան օրվա կապակցությամբ:
«Արմենպրես»-ի փոխանցմամբ՝ նախագահի ուղերձում, մասնավորապես, ասվում է.
«Ջերմորեն շնորհավորում և լավագույն բարեմաղթանքներս եմ հղում Ձեզ ծննդյան օրվա կապակցությամբ։
Հայաստանը կարևորում է Իտալիայի հետ քաղաքակրթական ընդհանուր արժեքների վրա հիմնված բարեկամական հարաբերությունները։
Համոզված եմ, որ մեր երկրների միջև առկա արդյունավետ համագործակցությունը հետագայում առավել կամրապնդվի և կընդլայնվի ինչպես երկկողմ, այնպես էլ բազմակողմ հարթակներում:
Մաղթում եմ Ձեզ քաջառողջություն, հաջողություն և ամենայն բարիք»:
Բաժանորդագրվեք մեր ալիքին Telegram-ում