1000х90.jpg (78 KB)

Երևանում՝ 11:07,   29 Մարտ 2024

Շիրակի մարզում ընթացքի մեջ են Բերդաշենի, Արեգնադեմի, Կապսի դպրոցների մոդուլային շենքերի կառուցման աշխատանքները

Շիրակի մարզում ընթացքի մեջ են Բերդաշենի, Արեգնադեմի, Կապսի դպրոցների 
մոդուլային շենքերի կառուցման աշխատանքները

ԳՅՈՒՄՐԻ,  16  ՕԳՈՍՏՈՍԻ,  ԱՐՄԵՆՊՐԵՍ: «Փոքրաքանակ երեխաներով համալրված հանրակրթական դպրոցների մոդուլային շենքերի կառուցում» միջոցառման շրջանակներում Շիրակի մարզում իրականացվում են 3 բնակավայրերի՝ Բերդաշենի, Արեգնադեմի, Կապսի դպրոցների մոդուլային շենքերի կառուցման աշխատանքները: Ինչպես տեղեկացնում է «Արմենպրես»-ը, նույն ծրագրով Հովունիի դպրոցի մոդուլային շենքի կառուցման նախագծանախահաշվային փաստաթղթերի մշակման և փորձաքննության ծառայությունների ձեռքբերման համար էլ կառավարությունն այս տարի գումար է հատկացրել։

Այս տեղեկացրել է Շիրակի մարզպետարանի տեղեկատվության ու հասարակայնության հետ կապերի բաժնի պետ Արաքսյա Կիրակոսյանը՝ նշելով, որ Ամասիա համայնքի երկու բնակավայրերում՝ Բերդաշենում և Արեգնադեմում շինաշխատանքներն ընթացքի մեջ են։ Բերդաշենի միջնակարգ դպրոցի մոդուլային շենքի կառուցման նախահաշվային արժեքը կազմում է շուրջ 650 մլն դրամ: Ծրագրի պատվիրատու է հանդիսանում ՀՀ քաղաքաշինության կոմիտեն: Շինարարական աշխատանքները մեկնարկել են 2020 թվականին և իրականացվել է շուրջ 100 մլն դրամի աշխատանք: 2022 թվականին շինարարական աշխատանքների իրականացման համար հատկացվել է 240 մլն դրամ: Դրանք իրականացվում են  «Վանի» ՍՊԸ-ի կողմից: Ծրագիրը կավարտվի 2023 թվականին: Արեգնադեմի միջնակարգ դպրոցի մոդուլային շենքի կառուցման նախահաշվային արժեքն էլ կազմում է շուրջ 493,23 մլն դրամ: Շինաշխատանքները մեկնարկել են 2021-ին, իրականացվել է շուրջ 50 մլն դրամի աշխատանք: Այս տարի շինարարական աշխատանքների իրականացման համար հատկացվել է 339,98 մլն դրամ: Կապալառու կազմակերպությունը «Տ-Քնսթրաքշն» ՍՊԸ-ն է: Աշխատանքների ավարտը նախատեսվում է 2023-ին:

Արմենուհի Մխոյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]