Արցախի Գիշի գյուղի ջրամբարում 16-ամյա երեխա է խեղդվել
16:12, 17 Օգոստոս 2022
ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Արցախի Հանրապետության ՆԳ նախարարության ԱԻ պետական ծառայության և Ոստիկանության Մարտունու շրջանային բաժիններում օգոստոսի 17-ին ժամը 10:45-ին հաղորդում է ստացվել, որ Գիշի գյուղի ջրամբարում երեխա է խեղդվում:
Ինչպես «Արմենպրես»-ին հայտնում են Արցախի ՆԳՆ արտակարգ իրավիճակների պետական ծառայությունից, դեպքի վայր մեկնած ՆԳՆ ծառայողները և Քննչական կոմիտեի օպերատիվ խմբերը պարզել են, որ նույն օրը ժամը 10:30-ի սահմաններում Գիշի գյուղի վարչական տարածքի «Աշտարակ» կոչվող ջրամբարում լողանալու նպատակով ջուրը մտած նույն համայնքի 16-ամյա Գ. Բ.-ն ջրախեղդ է եղել։
Վերջինիս դիակը հայտնաբերվել և տեղափոխվել է «Արևիկ» մանկական բուժմիավորում։
Ստուգմամբ զբաղվում է Քննչական կոմիտեն։
Բաժանորդագրվեք մեր ալիքին Telegram-ում