Երևանում՝ 11:07,   26 Մայիս 2024

ԿԳՄՍ նախարարությունը գույքագրել է ԼՂ-ում մնացած մշակութային ժառանգությունը․ կա տվյալների ամբողջական բազա

ԿԳՄՍ նախարարությունը գույքագրել է ԼՂ-ում մնացած մշակութային 
ժառանգությունը․ կա տվյալների ամբողջական բազա

ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղի մշակութային ժառանգության պահպանության հարցի շուրջ ԿԳՄՍ նախարարությունը ինտենսիվ աշխատում է:

«Արմենպրես»-ի հաղորդմամբ՝ այս մասին տարեվերջյան ասուլիսում հայտարարեց ՀՀ ԿԳՄՍ նախարար Ժաննա Անդրեասյանը։

«ԱԳՆ գործընկերների հետ  մի ամբողջ գործողությունների պլան ունենք, թե ինչպես ենք իրականացնելու Լեռնային Ղարաբաղի տարածքում մնացած մշակութային ժառանգության պաշտպանության հարցը»,- նշեց նա։

Անդրեասյանի խոսքով՝ ԼՂ տարածքում մնացած նյութական և ոչ նյութական մշակութային արժեք ունեցող ժառանգությունը գույքագրվել է, կա ամբողջական տվյալների բազա:

«Գույքագրում ենք նաև վանդալիզմի դեպքերը և դրանք փոխանցում ենք բոլոր հնարավոր միջազգային գործընկերներին: Նաև էլեկտրոնային շտեմարաններ, կայքեր են ստեղծվում, որոնք պարզ ու տեսանելի են դարձնում այդ ամենը»,- եզրափակեց ԿԳՄՍ նախարարը:

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am