Երևանում՝ 11:07,   19 Ապրիլ 2024

Բուրկինա Ֆասոյում հարձակումներ են տեղի ունեցել մզկիթի և եկեղեցու վրա․ կան տասնյակ զոհեր

Բուրկինա Ֆասոյում հարձակումներ են տեղի ունեցել մզկիթի և եկեղեցու վրա․ կան 
տասնյակ զոհեր

ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Բուրկինա Ֆասոյի արևելքում զինյալները հարձակվել են մզկիթի վրա` սպանելով մի քանի տասնյակ մարդկանց։ «Արմենպրես»-ի փոխանցմամբ՝ այս մասին հաղորդում է VOA Africa պարբերականը։

Հարձակումը տեղի է ունեցել փետրվարի 25-ին՝ նույն օրը, երբ 15 հոգի զոհվել է Բուրկինա Ֆասոյի հյուսիսում գտնվող կաթոլիկ եկեղեցու վրա հարձակման ժամանակ։

Նատիաբոանիում զինված անձինք մզկիթի վրա հարձակվել են կիրակի վաղ առավոտյան։ Նրանք կրակել են մզկիթում հավաքվածների վրա, որոնք եկել էին աղոթելու։ Հարձակման տասնյակ զոհերը հիմնականում տղամարդիկ են։

Փետրվարի 25-ին կիրակնօրյա ժամերգության ժամանակ երկրի հյուսիսում՝ Մալիի և Նիգերի սահմանին գտնվող Իսաքան գյուղում, սպանվել է 15 մարդ։

Ըստ հրապարակման՝ կիրակի օրը Բուրկինա Ֆասոյի արևելքում և հյուսիսում հարձակումների են ենթարկվել նաև մի քանի մարտական ջոկատներ։

Ըստ անվտանգության ուժերում լրատվամիջոցի աղբյուրների՝ մի քանի հարյուր «ահաբեկիչներ չեզոքացվել են» հարձակումներից հետո իրականացված գործողությունների ընթացքում։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]