Երևանում՝ 11:07,   23 Ապրիլ 2024

Ուկրաինայում հայտնել են, որ իրենց տարածքում օտարերկրացի զինվորականների տեղակայում չեն խնդրել

Ուկրաինայում հայտնել են, որ իրենց տարածքում օտարերկրացի զինվորականների 
տեղակայում չեն խնդրել

ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Ուկրաինան գործընկեր երկրներին չի դիմել իր տարածքում օտարերկրացի զինվորականների տեղակայման խնդրանքով, սակայն կարծում է, որ ապագայում «ոչ մի սցենար չի կարող բացառվել»։ Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին Facebook-ում հայտնել է Ուկրաինայի մշակույթի նախարարությանն առընթեր Ռազմավարական հաղորդակցությունների և տեղեկատվական անվտանգության կենտրոնը:

«Ֆրանսիայի նախագահ Էմանուել Մակրոնը հայտարարել է, որ ապագայում չի կարելի բացառել Ուկրաինա արևմտյան զինվորականներ ուղարկելը: Թեև, նա  նշել է այսօրվա դրությամբ այս հարցում փոխհամաձայնության բացակայության մասին: Ուկրաինան պաշտոնապես չի դիմել գործընկեր երկրներին իրենց զինված ուժերի կազմում անձնակազմի ներգրավման խնդրանքով», - ասված է հաղորդագրության մեջ:

Ըստ վերոնշյալ հաղորդագրության՝ Ուկրաինայի պաշտպանության համար ՆԱՏՕ-ի զորքերի ներգրավումը հնարավոր կլինի դաշինքին  Ուկրաինայի՝միանալուց հետո։

Մակրոնը փետրվարի 26-ին Ելիսեյան պալատում Ուկրաինայի աջակցության խնդրով կայացած հանդիպումից հետո հայտարարել է, որ այնտեղ քննարկվել է Ուկրաինա արևմտյան երկրների ցամաքային ուժեր ուղարկելու հնարավորությունը։ Նրա խոսքով, կողմերը փոխհամաձայնության չեն եկել այդ թեմայի շուրջ, սակայն ապագայում նման սցենարը բացառել չի կարելի։

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]