Երևանում՝ 11:07,   13 Ապրիլ 2024

Հնագիտության և ազգագրության ինստիտուտը հետաքրքրված է Հունական ազգագրության գիտահետազոտական կենտրոնի հետ գործակցությամբ

Հնագիտության և ազգագրության ինստիտուտը հետաքրքրված է Հունական 
ազգագրության գիտահետազոտական կենտրոնի հետ գործակցությամբ

ԵՐԵՎԱՆ, 29 ՓԵՏՐՎԱՐԻ, ԱՐՄԵՆՊՐԵՍ։ Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպել է Աթենքի գիտությունների ակադեմիայի Հունական ազգագրության գիտահետազոտական կենտրոնի տնօրեն Էվանգելոս Կարամանեսի հետ։

«Արմենպրես»-ի հաղորդմամբ՝ Հունաստանում Հայաստանի դեսպանության «Ֆեյսբուք»-ի էջը տեղեկացնում է, որ դեսպան Մկրտչյանը դոկտոր Կարամանեսին շնորհակալություն է հայտնել ջերմ ընդունելության համար և նշել, որ 2023թ․ դեկտեմբերին գիտությունների ակադեմիաների միջև ստորագրվել է համագործակցության հուշագիր՝ Հայաստանի գիտությունների ակադեմիայի 80-ամյակին նվիրված միջոցառման շրջանակներում, որին հրավիրված էին նաև Աթենքի ակադեմիայի ներկայացուցիչներ։ Դեսպանն ընդգծել է, որ Հայաստանի գիտությունների ակադեմիայի, մասնավորապես՝ Հնագիտության և ազգագրության ինստիտուտը հետաքրքրված է հունական գիտահետազոտական կենտրոնի հետ ինստիտուցիոնալ համագործակցության հաստատմամբ։

Ըստ աղբյուրի՝ կողմերը համաձայնել են, որ տարբեր ուղղություններով երկարաժամկետ և կարճաժամկետ համագործակցությունը կարող է ներառել համատեղ գիտահետազոտական ծրագրերի իրականացում Հունաստանում և Հայաստանում, ինչպես նաև համատեղ միջոցառումների, գիտաժողովների, ամառային դպրոցների, գիտնականների փոխանակման ծրագրերի կազմակերպում, համատեղ գիտական նյութերի հրապարակում։

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]