Երևանում՝ 11:07,   29 Մայիս 2024

Բռնցքամարտիկները վերջին հավաքն են անցկացնում ԵԱ-ից առաջ. հայտնի է թիմի կազմը

Բռնցքամարտիկները վերջին հավաքն են անցկացնում ԵԱ-ից առաջ. հայտնի է թիմի 
կազմը

ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Հայաստանի բռնցքամարտի տղամարդկանց թիմը վերջին մարզումներն է անցկացնում Եվրոպայի առաջնությունից առաջ:

«Արմենպրես»-ի հետ զրույցում Հայաստանի բռնցքամարտի  հավաքականի  գլխավոր մարզիչ Կարեն Աղամալյանը ներկայացրեց ընտրանու կազմը` 48 կգ Բարեղամ Հարությունյան, 51 կգ Ռուդիկ Գարբոյան, 54 կգ Դավիթ Եգորյան, 57 կգ Արթուր Բազեյան, 60 կգ Արթուր Սահակյան, 63,5 կգ Նարեկ Հովհաննիսյան, 67 կգ Արարատ Հարությունյան, 71 կգ Գուրգեն Մադոյան, 75 կգ Վախթանգ Հարությունյան, 80 կգ Ռաֆայել Հովհաննիսյան, 86 կգ Համլետ Հարությունյան, 92 կգ Նարեկ Մանասյան, գերծանր Դավիթ Չալոյան:

«Առաջին վարկանիշային մրցաշարից շատ քիչ ժամանակ է անցել, բացի այդ նաև շատ  ժամանակ չի մնա երկրորդ մրցաշարին, երբ ավարտվի Եվրոպայի առաջնությունը: Մեզ համար ամենակարևորը Փարիզի Օլիմպիական խաղերի վարկանիշ նվաճելն է: Եվրոպայի առաջնությունը կարևոր է մեզ համար, այն նաև նախապատրաստական փուլ է»,-ասաց Աղամալյանը:

Այս օրերին հավաքականի ուսումնամարզական հավաքին մասնակցում է նաև Օլիմպիական խաղերի բրոնզե մեդալակիր, Եվրոպայի եռակի չեմպիոն, աշխարհի առաջնության բազմակի մեդալակիր Հովհաննես Բաչկովը, ով դեռևս վերականգնողական փուլում է ձեռքերի վիրահատությունից հետո: Նրա մասնակցությունը երկրորդ վարկանիշային մրցաշարին դեռևս հարցականի տակ է:

«Հայաստանի հավաքականի կազմում բոլորն էլ լավ նախապատրաստական փուլ են անցել: Յուրաքանչյուր բռնցքամարտիկ կարող է մեդալ նվաճել Եվրոպայի այս առաջնությունում»,-առանձնացրեց Աղամալյանը:

Հայաստանի բռնցքամարտի հավաքականը Եվրոպայի առաջնության կմեկնի ապրիլի 15-ին:

Լուսանկարները՝ Հայկ Բադալյանի


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am