Երևանում՝ 11:07,   19 Մայիս 2024

Իրանն ԱԹՍ-ների երրորդ խմբաքանակն է ուղարկել Իսրայելի ուղղությամբ

Իրանն ԱԹՍ-ների երրորդ խմբաքանակն է ուղարկել Իսրայելի ուղղությամբ

ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ։ Իսրայելական լրատվամիջոցները հայտնում են, որ Իրանը անօդաչու թռչող սարքերի երրորդ խմբաքանակն է ուղարկել Իսրայելի ուղղությամբ։

Ինչպես հաղորդում է «Արմենպրես»-ը, իսրայելական 12-րդ հեռուստաալիքը հայտնել է, որ իրանական ԱԹՍ-ների մի մասը խոցվել է Սիրիայի տարածքում։

Ինչպես հաղորդում է CNN-ը, Իսրայելի ռազմական պաշտոնյաներից մեկը հայտնել է, որ Իսրայելը փորձում է որսալ և ոչնչացնել իրանական ԱԹՍ-ները մինչև դրանց Իսրայելի տարածք հասնելը։ 

Իսրայելի պաշտպանության բանակը հայտնել է, որ Իսրայելի հարավում գտնվող Սնիր բնակավայրում միացել է օդային տագնապի ազդանշանը։

Նշվում է, որ Իսրայելի վարչապետ Բենիամին Նեթանյահուն ռազմական խորհրդի նիստ է անցկացնում երկրի պաշտպանության նախարարության համալիրում։

Իրանի հարձակումը Իսրայելի վրա արդեն դատապարտել է Մեծ Բրիտանիայի վարչապետ Ռիշի Սունակը։ 

СNN-ը հայտնում է, որ ԱՄՆ նախագահ Ջո Բայդենը հանդիպում է անցկացնում ազգային անվտանգության թիմի հետ՝ գնահատելու Իրանի հարձակումն Իսրայելի վրա։ 

Իրանի հարձակման պատճառով իրենց օդային տարածքները փակելու մասին են հայտարարել Իրաքը, Լիբանանը, Հորդանանը։ Իր օդային տարածքը փակելու մասին է հայտարարել նաև Իսրայելը։ 

Իրանը ևս հաստատել է, որ ԱԹՍ-ներով հարձակում է սկսել Իսրայելի դեմ։ Իսլամական հեղափոխության պահապանների կորպուսը հայտարարել է, որ ԱԹՍ-ներով գործողություն է սկսել Իսրայելի դեմ։ 

 

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am