Առաջին կանադացի փորձագետը միացել է Հայաստանում ԵՄ առաքելությանը
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Հայաստանում գործող Եվրոպական Միության դիտորդական առաքելությանն է միացել առաջին կանադացի մասնագետը։
Ինչպես հաղորդում է «Արմենպրես»-ը, այդ մասին ԵՄ դիտորդական առաքելությունը գրառում է կատարել X-ի իր միկրոբլոգում։
«Ուրախ եմ ընդունելու առաջին կանադացի փորձագետ Ալեքսանդր Գրուշևսկուն Եվրոպական Միության դիտորդական առաքելությունում: Կանադան հանդիսանում է ԵՄ անդամ չհանդիսացող առաջին պետությունը, որն աջակցում է առաքելությանը»,- նշված է գրառման մեջ։
2023 թվականի հոկտեմբերին Կանադայի արտաքին գործերի նախարար Մելանի Ջոլիի՝ Հայաստան կատարած այցի ընթացքում հայտարարվեց, որ Կանադան կմիանա Հայաստանում ԵՄ դիտորդական առաքելությանը։ ՀՀ ԱԳ նախարարի տեղակալ Պարույր Հովհաննիսյանը հայտնել էր, որ Կանադան ԵՄ առաքելությանը միանալու համար 2 փորձագետ կուղարկի։
Thrilled to welcome the first Canadian Expert Alexander Grushevskiy to #EUMA. Canada is the first Third Contributing State supporting the Mission. Thank you for your valuable cooperation @CANADEM_CA @CanadaFP @CanEmbBeLux ! pic.twitter.com/0PJ51QuVwr
— European Union Mission in Armenia (@EUmARMENIA) April 15, 2024
Բաժանորդագրվեք մեր ալիքին Telegram-ում