Երևանում՝ 11:07,   25 Մայիս 2024

ՄԱԳԱՏԷ-ն որոշել է ժամանակավորապես դուրս բերել իր տեսուչներին իրանական օբյեկտներից

ՄԱԳԱՏԷ-ն որոշել է ժամանակավորապես դուրս բերել իր տեսուչներին իրանական 
օբյեկտներից

ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ։ Ատոմային էներգիայի միջազգային գործակալությունը (ՄԱԳԱՏԷ) ժամանակավորապես հետ է կանչում իր տեսուչներին Իրանից՝ տարածաշրջանում լարվածության ֆոնին։ Ինչպես տեղեկացնում է «Արմենպրես»-ը՝ վկայակոչելով «ТАСС»-ը, այդ մասին հայտարարել է Վիեննայում միջազգային կազմակերպության ՌԴ-ի մշտական ​​ներկայացուցիչ Միխայիլ Ուլյանովը։

«Տարածաշրջանում լարված իրավիճակի պատճառով ՄԱԳԱՏԷ-ն որոշել է ժամանակավորապես դուրս բերել իր տեսուչներին Իրանի միջուկային օբյեկտներից»,- գրել է դիվանագետը։

Ավելի վաղ ՄԱԳԱՏԷ-ի ղեկավար Ռաֆայել Գրոսին հայտարարել էր, որ Մերձավոր Արևելքում սրումը չի ազդել Իրանի միջուկային օբյեկտների տեսուչների աշխատանքի վրա։ ՄԱԳԱՏԷ-ի ղեկավարի խոսքով՝ Իրանի իշխանությունները գործակալությանը հայտնել են, որ ապրիլի 14-ին հանրապետության միջուկային օբյեկտները կփակվեն անվտանգության նկատառումներից ելնելով։ Գրոսսին նշել է, որ տեսուչների անվտանգության համար կազմակերպությունը որոշել է ստուգումներին վերադառնալ ապրիլի 16-ին։


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am