Ռուստամյանը կարծում է` համամասնական ընտրակարգին անցումը ցույց կտա քաղաքական դաշտի համախմբվածությունը
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Հարյուրտոկոսանոց համամասնական ընտրակարգին անցնելու հարցի շուրջ ծավալվել է լուրջ քննարկում: «Արմենպրես»-ի հաղորդմամբ` հունվարի 20-ին «Ժառանգություն»- «Հայ հեղափոխական դաշնակցություն» համաժողովի ժամանակ ՀՅԴ գերագույն մարմնի ներկայացուցիչ Արմեն Ռուստամյանը նշեց, որ հարցի հանգուցալուծումով են պայմանավորված առաջիկա ընտրությունները: «Մենք ցանկանում ենք ցույց տալ հարցի խորքային լինելը: Մեծամասնության ցանկության դեպքում որեւէ բարդություն չի կարող առաջանալ այս փոփոխությունն իրակացնելու համար»,-ասաց Ռուստամյանը: Նա նշեց, որ համամասնականին անցնելու համար որեւէ տեխնիկական կամ ընթացակարգային դժվարություն չի կարող առաջանալ: Անցում կատարելով այդ ընտրակարգին` հնարավոր է ցույց տալ քաղաքական դաշտի համախմբված լինելը: «Հարցն այն չէ, թե փոփոխություններ կատարելու համար արդեն ուշ է, կամ որ ընտրակարգն է ավելի լավը, որը` ոչ: Սրանով պարզապես կպարզեցվի ողջ գործընթացը, կհեշտացվեն աշխատանքերը ընտրատեղամասերում»,-ասաց Ռուստամյանը:
Բաժանորդագրվեք մեր ալիքին Telegram-ում