363.44
Արթուր Աբրահամը շնորհավորել է հայ շախմատիստներին հաղթանակի առթիվ
1 րոպեի ընթերցում
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ:WBO վարկածով սուպերմիջին քաշային կարգի աշխարհի չեմպիոն, հայազգի բռնցքամարտիկ Արթուր Աբրահամըշնորհավորել է շախմատի Հայաստանի հավաքականին Ստրամբուլի օլիմպիադայում հաղթանակի առթիվ:«Արմենպրես»-ի հաղորդմամբ` շնորհավորական ուղերձում նշվում է.
«Շնորհավորում եմ շախմատի Հայաստանի հավաքականին եւ աշխարհասփյուռ հայությանը` երրորդ անգամ այս բարձրագույն թիմային արդյունքին հասնելու` Ստամբուլում համաշխարհային օլիմպիադայի չեմպիոնի տիտղոսը նվաճելու առթիվ: Հերթական անգամ մեր հերոսները` Լեւոն Արոնյանը, Վլադիմիր Հակոբյանը, Գաբրիել Սարգսյանը, Տիգրան Լ.Պետրոսյանը, Սերգեյ Մովսեսյանը եւ գլխավոր մարզիչ Արշակ Պետրոսյանն ապացուցեցին ողջ աշխարհին, որ մենք` հայերս, փայլում ենք մեր տրամաբանությամբ, խորամտությամբ, մտքի ճկունությամբ, արագ կողմնորոշվելու եւ մտածված գործելու հատկություններով: Սա հերթական առիթն է հպարտանալու մեր հայ լինելով, նաեւ պարծենալու, որ մեր հայրենիքը` Հայաստանը, շախմատային գերտերություն է: Շախմատի Հայաստանի հավաքականին մաղթում եմ նորանոր հաղթանակներ: Վստահ եմ` այս հաղթարշավը դեռ երկար է շարունակվելու: Իմ անսահման մեծարանքն ու քաջալերանքը ձեզ` մտքի եւ տրամաբանության արքաներիդ»:
Բաժանորդագրվեք մեր ալիքին Telegram-ում