1000х90.jpg (78 KB)

Երևանում՝ 11:07,   29 Մարտ 2024

Մամիկոն Ասլանյանը վարչապետի հետ չի քննարկել Վանաձորի ավագանին լուծարելու ընդդիմադիրների դիմումը

Մամիկոն Ասլանյանը վարչապետի հետ չի քննարկել Վանաձորի ավագանին լուծարելու  ընդդիմադիրների դիմումը

ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Վանաձորի քաղաքապետ Մամիկոն Ասլանյանը վարչապետ  Կարեն Կարապետյանի հետ չի քննարկել ավագանին լուծարելու  ընդդիմադիրների դիմումը: Այս մասին պաշտոնավարման 100-րդ օրվա կապակցությամբ հրավիրված մամուլի ասուլիսին ասել է  Վանաձորի քաղաքապետ Մամիկոն Ասլանյանը: «Մենք վարչապետի հետ ավագանու հարցը չենք քննարկել, որովհետև քննարկել ենք ավելի կարևոր հարցեր՝ կապված քաղաքի ապագայի, քաղաքի զարգացման հեռանկարների, Վանաձոր քաղաքում ներդրումային մեծ ծրագրերի հետ, որը կարծում եմ շատ ավելի առարկայական է»,-ասել է նա` հավելելով, որ հարցը  չի վերաբերվում միայն 5 տարի պաշտոնավարող քաղաքապետին, այլ վերաբերվում է ամբողջ Վանաձոր քաղաքի ապագային:

«Վարչապետն իրավաբան չէ: Հարցը գտնվում է իրավաբանների տիրույթում, նրանք  կարձագանքեն: Ավագանու մեր այն սիրելի գործընկերները, ովքեր քարոզարշավի ընթացքում ասում էին, որ ցանկացած պարագայում իրենք Վանաձորի ու վանաձորցու կողքին են, որոնք հայտարարեցին, որ անկախ ընտրությունների արդյունքից, իրենք պատրաստ են կանգնելու Վանաձորի կողքին, այժմ զբաղված են  բոյկոտով»,-«Արմենպրես»-ի հաղորդմամբ` ասել է Ասլանյանը`  հույս հայտնելով, որ այդ մարդկանց մոտ կարթնանա Վանաձորի հանդեպ տածած սերը, իրենք կհայտնվեն դահլիճում եւ կշարունակեն աշխատանքները Վանաձոր քաղաքի զարգացման ուղղությամբ:

 «Լուսավոր Հայաստան», «Բարգավաճ Հայաստան» (ԲՀԿ) և «Հայկական վերածնունդ» (ՀՎԿ) կուսակցությունների ղեկավարության կողմից ստորագրվել է Վանաձոր քաղաքի ավագանու լիազորությունները վաղաժամկետ դադարեցնելու վերաբերյալ կառավարությանն ուղղված առաջարկը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]