Հնդկաստանցի դպրոցական աղջիկն իր տարեկիցներից առաջինն Է նվաճել Հարավային Ամերիկայի ամենաբարձր գագաթը

14:10, 10 Փետրվար, 2020

ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Հնդկաստանի Մումբայ քաղաքի 12-ամյա աշակերտուհի Քամյա Կարթհիքեյյանը դարձել Է ամենաերիտասարդ լեռնագնացը, որը նվաճել Է Հարավային Ամերիկայի, ինչպես նաեւ Արեւմտյան ու Հարավային կիսագնդերի Ակոնկագուա ամենաբարձր գագաթը (6961 մետր, Արգենտինա): Ինչպես փետրվարի 10-ին հայտնել Է Hindustan Times թերթը, Քամյան Հնդկաստանի Մումբայ քաղաքի ռազմածովային ուժերի դպրոցի յոթերորդ դասարանի աշակերտուհի Է, տեղեկացնում Է «Արմենպրես»-ը:

Աղջիկը դեպի լեռնագագաթ վերելքն ավարտել Է փետրվարի 1-ին եւ այնտեղ պարզել Հնդկաստանի ազգային դրոշը: Այնուհետեւ նրան մի քանի օր Է պահանջվել, որպեսզի հանգստանա բազային ճամբարում եւ իջնի: Դպրոցական աղջիկն արդեն վաղուց Է զբաղվում լեռնագնացությամբ: 2019 թվականի օգոստոսի 24-ին Քամյան բարձրացել Է Հնդկաստանի հյուսիսում գտնվող Լադաքհ հիմալայական մարզի Մենթոք-Քանգրի II գագաթը (6260 մետր): Ավելի վաղ նա հասել Էր աշխարհի ամենաբարձր գագաթի՝ Էվերեստի բազային ճամբար, որը տեղակայված Է լեռան լանջին՝ 5346 մետր բարձրության վրա, աղջկա նվաճումների թվում Է նաեւ Լադաքհի Սքոթ-Լանգրի բարձունքը (6153 մետր) եւ վերելքը աշխարհի տարբեր մասերում գտնվող մի շարք այլ, ավելի պակաս բարձրությամբ լեռներ, նշում Է հրատարակությունը:

Աղջկա ալպինիստական մարզումներով զբաղվում Է նրա հայրը՝ Հնդկաստանի ռազմածովային ուժերի սպան, որն ինքն Էլ վաղուց Է զբաղվում լեռնային վերելքներով: Նա իր դստերն ուղեկցում Է, երբ նա բարձունքներ Է նվաճում: Քամյան պահպանում Է խիստ ռեժիմ, ամեն օր որոշակի տարածություն Է անցնում հեծանվով, կարոնավոր կերպով զբաղվում Է վազքով, հաղորդել Է ՏԱՍՍ-ը:

View this post on Instagram

*Hurray!! Kaamya becomes the youngest girl in the world to summit Mt. Aconcagua, the highest peak in South America and outside of Asia!!* Kaamya summited Mt. Aconcagua, the highest peak in South America at 1600 hrs on 01 Feb 2020. While years of physical and mental preparation helped her overcome extreme climbing conditions, the build-up of a strong character through adventure sports was instrumental in Kaamya, at such tender age, being able to face and win over many bureaucratic, judicial and other organisational hurdles. We thank all our well-wishers who held our hands and prayed for us all through.

A post shared by Lavanya Karthikeyan (@kaamya.sahas) on


© 2009 ARMENPRESS.am