ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Երևանի «Նոա» ֆուտբոլային ակումբը նոր համալրում ունի:

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: «Նոան» պայմանագիր է կնքել 22-ամյա դարպասապահ Գրիգորի Մաթևոսյանի հետ: Մինչ «Նոա» տեղափոխվելը նա հանդես է եկել «Ուրարտուի» կազմում: Մոտակա օրերին Մաթևոսյանը կմիանա թիմին:

Հայաստանի ֆուտբոլի առաջնության Պրեմիեր լիգայի նոր մրցաշրջանը կմեկնարկի հուլիսի 30-ին: Մեկնարկային տուրում կմրցեն հետևյալ զույգերը` ԲԿՄԱ-«Փյունիկ», «Ալաշկերտ»-«Արարատ-Արմենիա», «Արարատ»-«Նոա», «Սևան»-«Վան», «Ուրարտու»-«Նորավանք»: