ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: «Փյունիկ» ՖԱ-ն և պաշտպան Հայկ Իշխանյանը երկկողմ համաձայնությամբ խզել են պայմանագիրը։ Ֆուտբոլիստը կարիերան կշարունակի ԲԿՄԱ-ում։

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: 32-ամյա պաշտպանն այս ամռանն էր միացել «Փյունիկին» և VBET Հայաստանի Պրեմիեր լիգայում «Փյունիկի» կազմում անցկացրել է 4 խաղ։

Իշխանյանը հայ ֆուտբոլասերներին հայտնի է մի շարք հայկական ակումբներում իր ելույթներով։ Ֆուտբոլիստը հանդիսանում է նաև Հայաստանի ազգային հավաքականի թեկնածու, որի կազմում անցկացրել է 13 խաղ։