ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ: Հինգ մարդ, որից երկուսը՝ ռուսաստանցի, զոհվել են Հարավային Սուդանի մայրաքաղաքում բեռնատար ինքնաթիռի աղետի ենթարկվելու հետեւանքով: Այդ մասին, ինչպես տեղեկացնում Է «Արմենպրես»-ը, հաղորդել Է AP գործակալությունը:

«Հինգ մարդ, ներառյալ օդաչուն եւ անձնակազմի անդամները, զոհվել են»,-գործակալությանն ասել Է օդանավակայանի տնօրեն Կուր Կուոլը:

Բացի ռուսաստանցիներից, աղետի զոհ են դարձել նաեւ Հարավային Սուդանի երեք քաղաքացիներ:

Ավելի վաղ ինքնաթիռի կործանման մասին հաղորդել Է Radio Tamazuj տեղական ռադիոկայանը:

Ինչպես նշում Է գործակալությունը, Ան-26 ինքնաթիռը, որը պատկանում Է Optimum Aviation-ին, կործանվել Է Հարավային Կորեայի Ջուբա մայրաքաղաքի միջազգային օդանավակայանում իրականացրած մեկնաթռիչքից անմիջապես հետո: Նա ուղեւորվում Էր երկրի հյուսիսի Վերին Նեղոս նահանգի Մաբանի շրջան, հաղորդել Է ՌԻԱ Նովոստին: