Ռուսաստանում փորձարկվում է ՄիԳ-31 կործանիչ-կալանիչի արդիականացված տարբերակը
19:16, 25 Նոյեմբեր, 2021ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանում ընթանում են ՄիԳ-31 կործանիչ-կալանիչ ինքնաթիռի արդիականացված, էլեկտրահեռակառավարման համակարգ ունեցող տարբերակի պետական փորձարկումները: «Արմենպրես»-ի հաղորդմամբ՝ այդ մասին Ռուսաստանի Դաշնության պաշտպանության փոխնախարար Ալեքսեյ Կրիվոռուչկոյին զեկուցել են «Սոկոլ» ավիագործարանի ներկայացուցիչները:
Ինչպես հայտնում է ՏԱՍՍ-ը՝ ՌԴ պաշտպանության փոխնախարարն այցելել է Նիժնի Նովգորոդի ավիացիոն գործարան՝ ուսումնասիրելով գործարանի արտադրական հզորությունը և ստուգելով ՄիԳ-31 կործանիչների վերանորոգման և արդիականացման աշխատանքները:
Արդիականացված ՄԻԳ-31ԲՄ կործանիչների արտասահմանյան համալրող սարքերը գործնականում ամբողջությամբ փոխարինված են ռուսականով, Կրիվոռուչկոյին զեկուցել են ավիագործարանի ներկայացուցիչները:
© 2009 ARMENPRESS.am